ކޯވިޑްގެ ދެވަނަ ރާޅު އިންޑިއާގެ މަހަރަސްޓްރާއަށް އައިސްފައިއިވަނީ ސުނާމީއެއް ފަދައިންނެވެ. އެހެންކަމުން މަހަރަސްޓްރަގެ ސަރުކާރުން ވަނީ ކޯވިޑް ފެތުރުން ހުއްޓުވުމަށް ފިޔަވަޅުތަށް ހަރުކަށިކުރުމަށް ނިންމާފަ އެވެ.
އެގޮތުން ހަތަރު މީހުންނަށް ވުރެ ގިނަ މީހުން ތަންތަނަށް އެއްވުން މަނާކުރުން ހިމެނެއެވެ. އަދި ކޮންމެހެން އެއްވާން ޖެހޭ އެއްވުންތައް ފިޔަވައި ދެން ހުރި ހުރިހާ އެއްވުންތަކެއް ކެންސަލް ކުރުމަށް ވަނީ އަންގާފަ އެވެ. މި ފިޔަވަޅުތަކާއި ގުޅިގެން ވަނީ ބޮޑެތި ފިލްމުތަކުގެ ޝޫޓިން ވެސް މެދުކަނޑާލާފަ އެވެ.
މީގެ ތެރޭގައި ޝާރުކް ޚާންގެ "ޕަތަން" ، ސަލްމާން ޚާންގެ "ޓައިގާ 3″ ހިމެނެއެވެ. ހަމައެހެންމެ ޕްރަބަސް އަދި ކްރިތީ ގެ "އަދިޕުރާޝް" އަދި "ޑޮންގިރީ ޓު ދުބާއީ" ވެސް ވަނީ ހުއްޓާލާފައެވެ. މީގެ އިތުރުން އަކްޝޭގެ "ރާމްސެތޫ"ގެ މަސައްކަތްތައްވެސް ވަނީ މެދުކެނޑިފައެވެ.
ޓީމުގެ މެމްބަރެއް ޕޮޒިޓިވްވުމާ ގުޅިގެން ޔަޝް ރާޖް ފިލްސްއިން މި މަހުގެ 13 އަދި 14ވަނަ ދުވަހު ވަނީ ބްރޭކެއް ޝެޑީއުލް ކޮށްފަ އެވެ. އަދި މި ޝެޑިއުލް ވަނީ ވަކި މުއްދަތެއް ނެތް ގޮތަށް ދަންމާލަން އަންގާފައެވެ.
މި ހުރިހާ ފިލްމެއްގެ ޝޫޓިން ދެން ފެށުމަށް ހަމަ ޖެހިފައިވަނީ ކޯވިޑްގެ ހާލަތު ރަނގަޅުވެ، ފިޔަވަޅުތައް ލުއިދޭން ފެށުމުންނެވެ.
