ރަންވީރް ސިންގ އާއި އަނިލް ކަޕޫރު އެކުގައި ފިލްމެއް ކުޅެން ތައްޔާރުވެއްޖެ އެވެ.
މި ދެ ތަރިންނަކީވެސް ބެލުންތެރިން ވަރަށް ގަޔާވާ ދެތަރިންނަށް ވުމާ އެކުގައި މި ފިލްމަށް ގިނަ ބެލުންތެރިންގެ ޝައުގުވެރިކަން ލިބޭނެކަމަށް ބެލެވެ އެވެ.
ބުރާސްފަތި ދުވަހު ރަންވީރް ވަނީ މި ކޮލާބްރޭޝަންގެ ވާހަކަ ބެލުންތެރިންނާއި ހިއްސާ ކޮށްފަ އެވެ. އެގޮތުން ރަންވީރް މި ޚަބަރު ހިއްސާ ކޮށްފައިވަނީ އިންސްޓަގްރާމް މެދުވެރިކޮށެވެ. އަދި އޭނާ ވަނީ އަނިލްއާ އެކުގައި ނަގާފައިވާ ފޮޓޯތަކެއް ހިއްސާކޮށްފަ އެވެ. މި ފޮޓޯއިން ފެންނަ ގޮތުގައި މި ދެމީހުން ތިބީ ވަރަށް ގަދަ ވާހަކައެއްގެ ތެރެއަށް ގެއްލިފަ އެވެ.
View this post on Instagram
އަނިލް ކަޕޫރާ އެކުގައި މަސައްކަތް ކުރަން ލިބުމަކީ ލިބޭ ފަޚުރެއް ކަމަށާއި އޭނާ އެކަމާ މެދުގައި އުފާ ކުރާކަމަށް ރަންވީރް ވަނީ ބުނެފަ އެވެ. މި ޕޯސްޓަށް އަނިލް ކަޕޫރު ވެސް ވަނީ ޖަވާބު ދީފަ އެވެ. އެގޮތުން އޭނާ ބުނެފައި ވަނީ އޭނާވެސް އުފާވާކަމަށާއި އަދި ފަޚުރުވެރިވެސް ވާކަމެވެ. އަދި މީގެ އިތުރުން އަނިލް ލިޔެފައިވަނީ އޭނާއާ ރަންވީރްގެ ރަހުމަތްތެރި ކަމަކީ އަބަދުވެސް އޮންނަން ބޭނުންވާ ފަދަ ގުޅުމެއް ކަމަށެވެ.
މި ފިލްމަކީ މި ދެތަރިން އެކުގައި ފެނިގެން ދާނެ ތިން ވަނަ ފިލްމެވެ. އަދި މި ފިލްމަށް ދީފައިވާ ނަން އިއުލާނު ކޮށްފައެއްނުވެ އެވެ. މި ދެ ތަރިން އެއްކޮށް އެންމެ ފަހުން ފެނިގެން ގޮސްފައިވަނީ ހިންދީ ފިލްމް ދިލް ދަޅަކްނޭ ދޯ އިންނެވެ. މި ފިލްމުގައި މި ދެތަރިންގެ އިތުރުން ޕްރިޔަންކާވެސް ފެނިގެންދިޔަ އެވެ.
ރަންވީރު ދެން އެންމެ އަވަހަށް ފެނިގެންދާނީ ފިލްމު "83″ އިންނެވެ. މި ފިލްމުގައި ރަންވީރާއެކު އޭނާގެ އަންހެނުން ދީޕިކާ ޕަޑުކޯން ވެސް ފެނިގެންދާނެ އެވެ. މި ފިލްމުން ދައްކުވައިދެނީ އިންޑިއާގެ ކްރިކެޓް ކެޕްޓަން ކަޕިލް ދޭވްގެ ދިރިއުޅުމާއި 1983 ވަނަ އަހަރު އިންޑިއާއިން ވޯލްޑްކަޕް ކާމިޔާބުކުރުމަށް ކުރާ މަސައްކަތެވެ.
