ސަލްމާން ޚާނާއި ސޯމީ އަލީގެ ލޯބީގެ ވާހަކައަކީ އެއްދުވަސްވަރެއްގައި ބޮލީވުޑްގައި އެންމެ ގަދަޔަށް ދެކެވުނު އެއްވާހަކައެވެ. އެހެންނަމަވެސް މި ލޯބީގެ ގުޅުންވަނީ ކުޑަ ދުވަސްކޮޅެއްގެ ތެރޭގައި ނިމިގެން ގޮސްފަ އެވެ.
މި ދެމީހުންވެސް މި ބްރޭކްއަޕްގެ ވާހަކަ މާގިނައިން ދައްކާފައެއް ނުވެއެވެ. ސޯމީ އަލީ ބުނެފައިވަނީ އޭނާ ސަލްމާނާ ހެދި އޭރު ހުރީ މޮޔަވެފައި ކަމަށެވެ. އެ ދެމީހުން ރުޅިވުމަށް މެދުވެރިވީ ސަލްމާން ޚާން އޭނާއަށް ބޭވަފާތެރި ވުމުންކަމަށެވެ.
މި ދެމީހުން ވަކިވުމުން ސޯމީ ވަނީ އިންޑިއާ ދޫކޮށް އެމެރިކާއަށް ބަދަލުވެފައެވެ. މި ގޮތަށް ބަދަލުވީ މަތީ ތައުލީމު ހާސިލް ކުރުމަށާއި، އޭނާގެ ދިރިއުޅުމުގައި ސަލްމާން ނެތުމުން އޭނާ އިންޑިއާގައި ހުންނަންޖެހޭ އެއްވެސް ބޭނުމެއް ނެތްކަމަށް އޭނާއަށް ފެނުމުން ކަމަށް ސޯމީ ވަނީ ބުނެފައެވެ.
View this post on Instagram
ސޯމީއާ ރައްޓެހި ވުމުގެ ކުރިން ސަލްމާން ރައްޓެހިވެގެން އުޅުނީ ސަންގީތާ ބިޖްލާނީއާ އެވެ. އިންޓަވިއުއެއްގައި ވާހަކަ ދައްކަމުން ސޯމީ ބުނެފައިވަނީ އޭނާއަށް ސަލްމާނާއި ސަންގީތާ އެކުގައި ފެނުމުން ވަރަށް ޖެލަސްވާކަމަށެވެ. އެދުވަސްވަރު ސަލްމާނާއި ސަންގީތާ، ސަލްމާނު މެންގޭގައި އަތުގުޅައިލައިގެން އުޅޭތަން ފެނުމުން ދެރަވާ ކަމަށެވެ.
އަދި ސަލްމާނާއި ސަންގީތާ ރުޅި ވީ އޭނާގެ ސަބަބުން ކަމަށާއި އަދި އޭރު އެ އެކުރެވުނީ ރަނގަޅު ކަމެއް ނޫންކަން މިހާރު ވިސްނޭކަމަށް ސޯމީ ވަނީ ބުނެފަ އެވެ.
ދާދިފަހުން ސޯމީ ވަނީ އޭނާއާއި އެކުގައި ކުރިން ފިލްމު ކުޅުނު އެންމެންގެ ކިބައިން މާފަށް އެދިފައެވެ. މި ލިސްޓުގައި ސަލްމާން ޚާން، ގޯވިންދާ، ސަންޖޭ، ސައިފްގެ އިތުރުން އޯމް ޕޫރީ ހިމެނެ އެވެ.
