ހިންދީ ފިލްމު "ސައިނާ"ގައި ޕަރީނިތީ ޗޯޕްރާ ފެނިގެންދާނީ އިންޑިއާގެ ބެޑްމިންޓަން ޗެމްޕިއަން ސައިނާ ނެހްވަލްގެ ގޮތުގައެވެ. އަދި މި ފިލްމަކީ ބެލުންތެރިން ވަރަށް ބޮޑަށް އިންތިޒާރު ކުރަމުންދާ ފިލްމެއްކަމީ އެއްވެސް ޝައްކެއް އޮތް ކަމެއް ނޫނެވެ.
މި ފިލްމުގެ ޓީޒާ އާއި ޓްރެއިލާ އާންމު ކުރުމާއި އެކުގައި ގިނަ ބެލުންތެރިންގެ ފާޑު ކިޔުންތައް ޕަރީނިތީއަށް ވަނީ ލިބިފައެވެ. އެންޓަޓެއިންމަންޓް ޕޯޓަލްއަކަށް ދިން އިންޓަވިއުއެއްގައި ވާހަކަ ދައްކަމުން ޕަރީނިތީ ބުނެފައިވަނީ އޭނާ ސައިނާ ނެހްވަލް އާ ވައްތަރު ނޫންކަމަށް ބުނާ ބުނުންތަކަށް އޭނާވެސް އެއްބަސްވާކަމަށެވެ. އަދި އޭނާގެ މަގްސަދަކަށްވީ ސައިނާގެ އުޅުމާއި ވާހަކަ ދެއްކުމުގައި ހުންނަ ގޮތް ގެނެސްދިމުނަށްވެސް ޕަރީނިތީ ވަނީ ބުނެފައެވެ. އަދި މިއީ އޭނާގެ ދެބެންގެދެދަރި ދައްތަ ޕްރިޔަންކާ ޗޯޕްރާ އޭނާއަށް ދިން ނަސޭހަތެއް ކަމަށްވެސް ޕަރީނިތީވަނީ ބުނެފަ އެވެ.
View this post on Instagram
މީހެއްގެ ދިރިއުޅުމުގެ މައްޗަށް ބިނާކޮށް ކުޅޭ ފިލްމަކަށް ވުމުން އެންމެ މުހިންމުވާނީ އެ ޝަހްސިއްޔަތު ބެލުންތެރިންނާއި ހަމަޔަށް ގެނެސްދިނުން ޕްރިޔަންކާ ބުނެފައި ވާކަމަށް ޕަރިނިތީ ވަނީ ހާމަކޮށްފަ އެވެ. ޕްރިޔަންކާ ޗޯޕްރާ އަކީ އިންޑިއާގެ އަންހެން ބޮކްސިން ތެޅުންތެރިޔާ މެރީކޮމްގެ ހަޔާތުގެ މައްޗަށް ބިނާކޮށް ހަދާފައިވާ ފިލްމުގައި މެރީކޮމްގެ ރޯލު ކުޅުނު ތަރިކަމަށް ވުމުން މިއީ ތަޖުރިބާއާއި އެކުގައި ބުނެފައިވާ ބުނުމެކެވެ.
View this post on Instagram
އިތުރަށް ވާހަކަ ދައްކަމުން ޕަރީނިތީ ބުނެފައިވަނީ އެނާއަށް މި ރޯލު ލިބުމާ އެކުގައި އެންމެ ފުރަތަމަ ގުޅީ ޕްރިޔަންކާއަށެވެ. އަދި މެރީކޮމް ކުޅުނު އިރުގައި ޕްރިޔަންކާވެސް މެރީކޮމްއާއި ވައްތަރު ނޫން ކަމަށާއި އެހެންނަމަވެސް ޕްރިޔަންކާވަނީ މެރީ ކޮމްގެ ޝަހްސިއްޔަތު ބެލުންތެރިންނާއި ހަމައަށް ކާމިޔާބު ކަމާއިއެކުގައި ގެނެސްދީފައި ކަމަށް ޕަރީނިތީ ވަނީ ބުނެފައެވެ.
މި ފިލްމަކީ އަމޯލް ގުޕްތާގެ ޑައިރެކްޝަންގެ ދަށުން ގެނެސްދޭ ފިލްމެކެވެ. އަދި މި ފިލްމު ޕޮރޮޑިއުސް ކޮށްފައިވަނީ ބޫޝަން ކުމާރް، ކްރިޝަން ކުމާރް،ސުޖޭ ޖޭރާޖް އަދި ރާޖޭޝް ޝާހްއެވެ. ފިލްމު ސިނަމާ ތަކުން ފެނިގެންދާނީ މާރިޗު 26 ވަނަ ދުވަހު އެވެ.
