ޖާވިދު އަލީ އާއި އެލީގެ ލަވަ ރިލީޒްކޮށްފި

އިންޑިއާގެ މަޝްހޫރު ލަވަ ކިޔުންތެރިޔާ ޖާވިދު އަލީއާ އެކު މިނިސްޓަރ މަހުލޫފްގެ ދަރިކަލުން އެލީ ކުޅުނު ލަވަ އާންމުކޮށްފިއެވެ.

"ޖާނޭކީ ވަޖާ" ނަމަކަށް ކިއާ މި ލަވަ އާންމު ކުރީ ޒީ މިއުޒިކް ކޮމްޕެނީންނެވެ. މި ލަވަ ޒީ މިއުޒިކް ކޮމްޕެނީގެ ރަސްމީ ޔޫޓިއުބް ޗެނަލްގައި އާންމު ކުރުމާ އެކު މިހާތަނަށް 25،000 އަށް ވުރެ ގިނަ ފަހަރު މި ވީޑިއޯ ވަނީ ބަލައިފައެވެ. މި ލަަވައަކީ އެލީގެ ފުރަތަމަ އޮރިޖިނަލް ހިންދީ ލަވައެކެވެ.

Finally it’s released.

Thanks to @ZeeMusicCompany.

Dedicatedly worked for the past 6 months to make this a reality.

Thank you @javedali4u & all who were a part of this journey.

So happy for Elly @Laiba_2013 ❤️

Proud moment as a dad.❤️??

Full song ??https://t.co/WQnp9OyTzz pic.twitter.com/ffxaNwPqun

— Ahmed Mahloof (@AhmedMahloof) March 19, 2021

މި ލަވަ އާންމު ކުރުމާ ގުޅިގެން މިނިސްޓަރު މަހްލޫފް މިއަދު ކުރެއްވި ޓުވީޓެއްގައި ވިދާޅުވީ މި ލަވައިގެ މަސައްކަތް ނިންމުމަށްޓަކައި ފާއިތުވެދިޔަ ހަ މަސް ދުވަހުގެ ތެރޭގައި ވަރަށް ބުރަކޮށް މަސައްކަތް ކުރައްވާފައިވާ ކަމަށެވެ. އަދި ޒީ މިއުޒިކް ކޮމްޕެނީ އާއި ޖާވިދު އަލީގެ އިތުރުން މިކަމުގައި ބައިވެރިވި ހުރިހާ ފަރާތްތަކަށް ޝުކުރު ދަންނަވާ ކަމަށް ވެސް މިނިސްޓަރު ވިދާޅުވިއެވެ.

އެލީގެ މިލަވައާއި ގުޅިގެން ބައެއް ފަރާތްތަކުން ވަނީ ވަރަށްބޮޑެތި ފާޑުކިޔުންތަކެއް ކުރިމަތިކޮށްފައެވެ. ނަމަވެސް މިނިސްޓަރ މަހުލޫފްއާއި އަދި ގިނަ ބަޔަކު ދަނީ އެލީއަށް ހިތްވަރު ދެއްވައި ކުރިއަށް ދެވެން އޮތް ރޮގުން ކުރިއަށް ދިއުމަށް ހިތްވަރު ދެއްވާފައެވެ.