އިދިކޮޅު ޕީޕީއެމް 75،000 ރުފިޔާއިން ޖޫރިމައިނާ ކޮށްފިއެވެ.
ޕީޕީއެމް ޖޫރިމައިނާ ކޮށްފައިވަނީ ސިޔާސީ ޕާޓީތަކުގެ ބަލަދު ވެރި ފަރާތް އިލެކްޝަން ކޮމިޝަނުންނެވެ. އިލެކްޝަން ކޮމިޝަންގެ ރައީސް އަހުމަދު ޝަރީފް ކުރެއްވި ޓްވީޓެއްގައި ވިދާޅުވެފައިވަނ ޕީޕީއެމް ޖަވާބު ދާރީވުމުގެ ގޮތުން ހުށަހެޅި ހުށަހެޅުން އިލެކްޝަން ކޮމިޝަނުން ގަބޫލުނުކޮށް، ސިޔާސީ ޕާޓީތަކުގެ ޤާނޫނާއި ޚިލާފްވެފައިވާނީ 75،000 ރުފިޔާއިން ޖޫރިމައިނާ ކޮށްފައިވާކަމަށެވެ.
PPM in javaabdhaaree vumuge gothun hushaelhi hushaelhun EC in gabool nukoh, siyaasee party thakuge gaanoon aa khilaaf vefai vaathee 75000 mvr in vanee jurimanaa kohfa
— Ahmed Shareef (@ShareefRangondi) March 18, 2021
ޕީޕީއެމް ޖޫރިމަނާކޮށްފައިވަނީ މާލެ ސަރަހައްދުގައި ކޯވިޑްގެ މިހާލަތުގައި މުޒާހަރާ ކުރަމުންދާތީ ފިޔަވަޅު އަޅާނެކަމުގެ އިންޒާރު އިލެކްޝަނުން ދިނުމަށްފަހުއެވެ. އަދި މިރޭ އިލެކްޝަނުން ޕީޕީއެމްއާއިމެދު ފިޔަވަޅު އަޅާފައިވާއިރު މާދަމާ މާލޭގައި ބޮޑު މުޒާހަރާއެއް ކުރުމަށް އިދިކޮޅު ކޯލިޝަނުން ވަނީ ނިންމާފައެވެ.
މިއީ މިމަހުގެ ތެރެގައި އިދިކޮޅު ޕީޕީއެމް ޖޫރިމަނާ ކުރި 2 ވަނަ ފަހަރެވެ. ޕީޕީއެމްއިން ހިންގާ ސިޔާސީ ހަރަކާތްތަކާއި ގުޅިގެން އިލެކްޝަނުން ދަނީ އެޕާޓީއާއިމެދު ފިޔަވަޅު އަޅަމުންނެވެ. އަދި އެޗްޕީއޭއިންވެސް ފާދިފަހުން ޕީޕީއެމްއިން ބޭއްވި އިވެންޓަކާއި ގުޅިގެންވެސް އެ އިވެންޓް ބޭއްވި ޕީއެންސީގެ ނާއިބް ރައީސް އިބްރާހިމް ޝިޖާވެސް ޖޫރިމަނާކޮށްފައެވެ. އަދި ކޮންމެ ދުވަހަކު އިދިކޮޅުން ބާއްވާ މުޒާހަރާތަކުން ހައްޔަރު ކުރާ އެޕާޓީގެ ގިނަ ބޭފުޅުންވެސް ދަނީ ޖޫރިމަނާ ކުރަމުންނެވެ.
ކޮމެންޓު ފޮނުވާ