އަޔުޝްމަން ކުރާނާ އާއި އޭނާގެ އަންހެނުން ތާހިރާ ކަޝްޔަޕް ތައްޓެހި ވީ އެ ދެމީހުން ގްރޭޑް 12 ގައި އުޅެނިކޮށް 2001 ވަނަ އަހަރުގައިއެވެ. އެކުގައި 20އަހަރު އުޅެފައިވާއިރު އަޔުޝްމަން ބުނެފައިވަނީ އޭނާއަށް ޑޮކްޓަރަކަށް ނުވެވުނު ސަބަބަކީ ތާހިރާ ކަމަށެވެ.
މި ދެމީހުންގެ ކައިވެނީގެ އެނިވަރސަރީ ފާހަގަ ކުރުމުގެ ގޮތުން ޕޯސްޓެއް ޝެއާ ކުރަމުން އަނުޝްމަން ބުނެފައިވަނީ އޭނާ އަށް ޑޮކްޓަރަކަށް ނުވެވުނު ސަބަބަކީ އޭނާގެ އަންހެނުން ކަމަށެވެ. އަދި މި މިދެމީހުން ރައްޓެހިވީ ގްރޭޑު 12ގެ ޓެސްޓު ފަށަން ކައިރި ވެފައިވަނިކޮށް ކަމަށާއި މިކަމުގެ ސަބަބުން އޭނާއަށް ޓެސްޓަށް އެހާބޮޑު ސަމާލުކަމެއް ނުދެވުނު ކަމަށް މި ޕޯސްޓުގައި ލިޔެފައިވެ އެވެ.
އަޔުޝްމާން ވަނީ މި ޕޯސްޓާއި އެކު ތާހިރާގެ ފޮޓޯއެއް ހިއްސާކޮށްފަ އެވެ. އަޔުޝްމަން ހިއްސާ ކޮށްފައިވާ މި ފޮޓޯގައި ތާހިރާ ފެންނަނީ ރަތް ކުލައިގެ ސްވެޓާއަކާއި ޑެނިމް ސޯޓެއްގެ އިތުރުން ހުދު ކުލައިގެ ސްނީކާސްއެއްލައިގެން އިސްދަށަށް ޖަހައިގެން އިންދަ އެވެ.
View this post on Instagram
ތާހިރާ އަކީ ފިލްމު ޑައިރެކްޓަރެކެވެ. އޭނާ ވަނީ ކުރު ފިލްމު "ޓޯޕީ" ޑައިރެކްޓު ކޮށްފައެވެ. މިއީ އޭނާގެ ބޭބެއާއި އެކު ކޮށްފައިވާ މަސައްކަތެކެވެ. މީގެ އިތިރުން އޭނާ ވަނީ ލަވަ "ކުދްޔޭނީ" ގެ ވީޑިއޯވެސް ޑައިރެކްޓު ކޮށްފައެވެ. ހަމަ އެހެންމެ ތާހިރާ އަކީ މަޝްހޫރު ފޮތް "ދަ 12 ކޮމެންޑްމެންޓްސް އޮފް ބީއިން އަ ވިމެން" ގެ ލިޔުންތެރިއާ އެވެ.
2019 ވަނަ އަހަރު ތާހިރާ ވަނީ ބްރެސްޓް ކެންސަރ ޖެހުނުކަމާއި ކެންސަރުން ދިފާއު ވުމަށް ކުރި ކަންކަމުގެ އިތުރުން އެބަލީގައި އާއިލާގެ ފަރާތުން ލިބުނު ހިތްވަރާއި އެހީތެރިކަން މީޑިއާ އަށް ހާމަކޮށްފަ އެވެ. އަދި ކެންސަރަށް ހޭލުންތެރި ކުރުވުމުގެ މަސައްކަތް މިހާރު އޭނާ ކުރެއެވެ.
އަޔުޝްމާން އާއި ތާހިރާ ކައިވެނި ކޮށްފައިވަނީ 2008 ވަނަ އަހަރުއެވެ. މި ކައިވެންޏަށް ވަނީ ދެ ކުދިން ލިބިފަ އެވެ.
