ސުޒާން ޚާނާއި ރިތިކް ރޯޝަންގެ ވާހަކަތަކަކީ އަބަދުވެސް ބޮލީވުޑްގައި ދެކެވެމުން އަންނަ ވާހަކަތަކެވެ. ކުޑައިރުއްސުރެން ދަންނަ މިދެ އެކުވެރިންގެ ރަހުމަތްތެރިކަން ލޮތްބަށް ބަދަލުވެ ކައިވެނި ކޮށްފައިވަނީ 2000 ވަނަ އަހަރު އެވެ.
އެހެންނަމަވެސް 14 އަހަރު އެކުގައި އުޅުމަށްފަހު 2014 ވަނަ އަހަރު މިދެމަފިރިން ވަނީ ވަކިވެފައެވެ. އެހެންނަމަވެސް މި ދެމީހުންގެ ރަހުމަތްތެރިކަމަކަށް ބަދަލެއް ނާދެއެވެ. އަދި ގެންދަނީ ދެމީހުންގެ ދަރިން ތަރުބިއްޔަތު ކުރުމުގައި ނަމޫނާ ދައްކަމުންނެވެ.
އެހެންނަމަވެސް ސުޒާން މިހާރު ވަނީ "މޫވް އޮން" ކޮށް، ދިރިއުޅުމަށް އެހެން ބައިވެރިއެއް އިޚްތިޔާރިކޮށްފަ އެވެ. ޚަބަރު ލިބިފައިވާ ގޮތުން ސުޒާން ލޯބީގެ ގޮތުން މިހާރު ގުޅިގެން އުޅެނީ ބިގް ބޮސް 14ގެ ބައިވެރިޔާ އަލީ ގޯނީ ގެ ބޭބެ އަރްސަލަން ގޯނީ އާއެވެ.
View this post on Instagram
ސުޒާނާއި އަރްސަލަން ދިމާވިތާ މިހާރު ހަމަސް ވެފައިވާ ކަމަށައި އަދި އެދެމީހުންގެ އުޅުމުން އެ ދެމެދުގައި ވަނީ ހަމައެކަނި އެކުވެރިކަން ނޫންކަން، ނަން ހާމަކުރަން ބޭނުން ނުވާ ފަރާތެއް ވަނީ ޕިންކްވިލާ ނޫހަށް މައުލޫމާތު ދީފައެވެ. މި ފަރާތުން އިތުރަށް ވާހަކަ ދައްކަމުން ބުނެފައިވަނީ 2014 ވަނަ އަހަރު ރިތިކާއި ރުޅި ވުމުން ސުޒާންގެ ދިރިއުޅުމަށް ބޮޑެތި ބަދަލުތަކެއް އައިސްފައިވާ ކަމަށެވެ. އެހެންކަމުން އަރްސަލަން އާއި ސުޒާން މި ގުޅުމުގައި ހަރުފަތްތަށް ގިރާކުރާނީ ވަރަށް ބަލާއިގެން، ވަގުތު ދީގެން ކަމަށެވެ.
އަރްސަލަންގެ މަސައްކަތަށް ބަލައިލާއިރު މިހާރު އެނާ މަސައްކަތް ކުރަމުން ގެންދަނީ " މެ ހީރޯ ބޯލް ރަހާ ހޫން" ގައެވެ. މިއީ ބާލާޖީ ގެ ވެބް ސީރީޒެކެވެ. އަދި މި ސީރީޒުން އަރްސަލަން ފެނިގެންދާނީ ނުބައިބައި މީހެއްގެ ރޯލުންނެވެ.
