ސަލްމާން ޚާންގެ ދެން އެންމެ އަވަހަށް ފެންނާނެ ފިލްމު ކުރިއަށް އޮތް ފިތުރު އީދުގައި ސިނަމާތަކަށް އަންނާނެ ކަން އިއުލާން ކޮށްފައިވާއިރު، ސަލްމާން މިއަދު ވަނީ ފިލްމުގެ އާ ޕޯސްޓަރެއް ބެލުންތެރިންނަށް ދައްކާލާފައެވެ.
ކޯވިޑްގެ ބަލިމަޑުކަމުގެ ސަބަބުން ފިލްމު އަޅުވާ ތާރީހު އެތައް ފަހަރެއްގެ މަތިން ފަސްކުރަމުން ދިޔަ ނަމަވެސް، ސަލްމާން ބުނަނީ މިފަހަރު ހަމަ ޔަގީނުންވެސް އީދުގައި ފިލްމު ބަލާލަން ލިބޭނެ ކަމަށެވެ.
މިއަދު ސަލްމާން ސޯޝަލް މީޑިއާއަށް ދޫކޮށްލި ޕޯސްޓަރާއި އެކުވެސް އޭނާ ވަނީ މި ފަހަރު ހަމަ ޔަގީން ކަމާއެކު އީދުގައި ފިލްމު ފެންނާނެ ކަމަށް ބުނެފަ އެވެ. އެހެންކަމުން އަންނަ މޭ މަހުގެ 13 ވަނަ ދުވަހު ފިލްމު ސިނަމާތަކުގައި އަޅުވާނެއެވެ.
މީގެ އިތުރުން ސަލްމާނެގެ ވަރުގަދަ ބައިސެޕް މަސްގަނޑާއެކު ތަޅައިގެން ގޮސްފައިވާ ބިއްލޫރި ތަކާއި އަލިފާން ރޯވެގެން ވެއްޓޭ ހެލިކޮޕްޓަރާއެކު މި ޕޯސްޓަރުން އެކަނިވެސް ފިލްމުގެ ވަރުގަދަކަން އެނގިގެންދެއެވެ.
Eid ka commitment tha, Eid par hi aayenge kyun ki ek baar jo maine…….#RadheOn13thMay #2MonthsToRadhe@bindasbhidu @DishPatani @RandeepHooda @PDdancing @SKFilmsOfficial @ZeeStudios_ @SohailKhan @atulreellife @ReelLifeProdn @ZeeMusicCompany pic.twitter.com/mvBxUJPSFp
— Salman Khan (@BeingSalmanKhan) March 13, 2021
ޕްރަބޫ ދޭވާ ޑައިރެކްޓުކޮށް، ސަލްމާން ކޯޕްރޮޑިއުސްކޮށްފައިވާ މި ފިލްމުގައި ދިޝާ ޕަޓާނީ، ޖެކީ ޝްރޮފް، ޒަރީނާ ވަހަބް އަދި ރަންދީޕް ހޫޑާ ފެނިގެންދާނެއެވެ. މި ފިލްމަކީ ސައުތު ކޮރެއަން ފިލްމު "ވެޓެރަން"ގެ ރިމޭކެއް އަދި 2009 ވަނަ އަހަރުގެ ސަލްމާންގެ ހިޓް ފިލްމް "ވޯންޓެޑް"ގެ ސީކުއަލް އެކެވެ.
