ތާރާ ސުތަރިއާ އަދި އާދަރް ޖައިން ރައްޓެހިވެގެން އުޅޭތާ މިހާރު ގިނަ ދުވަސްތަކެއް ވެފައިވީނަމަވެސް، މި ދެމީހުންގެ ލޯބީގެ ވާހަކަ ހެޑްލައިތަކުން މަދެކޭ ނުބުނެވޭނެއެވެ. އަދި މިއީ މިގޮތަށް ފާހަގަ ކޮށްލެވޭ މަދު ލޯބިވެރިންގެ ތެރޭގައި ހިމެނޭ ދެމީހުންނެވެ.
ރައްޓެހިވެގެން ގިނަ ދުވަހު އުޅެވިފައިވާ ވާއިރު މި ދެމީހުން އެކުގައި ވަރަށް ގިނަ ހަފްލާ ތަކުން ވަނީ ފެނިގެން ގޮސްފައެވެ. އެއީ އާއިލާގެ މީހެއްގެ ހަފްލާއެއްކަމުގައި ވިޔަސް ނުވަތަ ކައިވެނި ނުވަތަ މަސައްކަތުގެ ހަފްލާއެއް ކަމަށްވިޔަސް މި ދެމީހުން އަބަދުވެސް ފެނިގެން ދަނީ އެކުގައެވެ.
މީގެ އިތުރުން މި ދެ ލޯބިވެރިންގެ ދިރިއުޅުމުގައި ހިނގާ ކަންތައްތައް ސޯޝަލްމީޑިއާގައި އާންމު ކުރުމަކީ މި ދެމިހުންގެ ވެސް އާދައެކެވެ. ތާރާ އާއި އާދަރް ވަނީ ވަރަށް ފަހުން ޗުއްޓީ ހޭދަކުރުމަށް ރާއްޖެ އައިސްފަ އެވެ. އެގޮތުން މި ދަތުރުގެ ފޮޓޯތައްވެސް ވަނީ ސޯޝަލްމީޑިއާގައި ހިއްސާކޮށްފަ އެވެ.
ތާރާ އާދަރް އަށް އަޅައިދިން ވެނީލާ ބަޓާކްރީމް ކަޕް ކޭކުގެ ފޮޓޯއަށް ގިނަ ބެލުންތެރިންގެ ސަމާލުކަން ވަނީ ލިބިފައެވެ. ތާރާ އަކީ ކެއްކުމަށް ލޯބިކުރާ މީހަކަށް ވުމާއިއެކު އޭނާ ވަރަށް ގިނައިން ސޯޝަލްމީޑީއާގައި އޭނާގެ ހުނަރު ހިއްސާކުރެއެވެ.
މަސައްކަތުގެ ދާއިރާއަށް ބަލައިލާއިރު ތާރާ އެންމެ ފަހުން ފެނިގެން ގޮސްފައިވަނީ ސިދާތު މަލްހޮތުރާއާ އެކުގައި "މަރްޖާވާން" މި ފިލްމުންނެވެ. އަދި ހަމައެހެންމެ އާހާން ޝެޓީއާއި އެކުގައި "ތަޅަޕް"އިންވެސް ތާރާ ފެނިގެންދާނެއެވެ. "ސްޓޫޑެންޓް އޮފް ދަ ޔިއާރް 2″ އިން ފެނިގެން ދިޔަ ތާރާ އަދި ޓާއިގާ ޝްރޮފް "ހީރޯޕާންތީ 2″ ގައިވެސް ފެނިގެންދާނެއެވެ.
