މީރާ ރާޖް ޕުތާއި ޝާހިދު ކަޕޫރުވަނީ "ސެންޓަރ އޮފް ގްރެވިޓީ" ޗެލެންޖު ޖައްސާފައެވެ. އަދި ޝާހިދު ވަނީ ހުނަރުވެރިކަމާއި އެކުގައި މި ޖެލެންޖު ކާމިޔާބު ކޮށްފައެވެ.
މި ޗެލަންޖުގައި އެންމެ ފުރަތަމަ ދެމީހުންވެސް ތިބޭނީ ދެ ކަކޫ އަދި ދެ އަތް ޖައްސައިގެން ބިންމަތީގައެވެ. އަދި އަވަސް އަވަހަށް ޖެހޭނީ ދެއަތް ފުރަގަހަށް ލާށެވެ. މި ޗެލެންޖު އާންމު ގޮތެއްގައި ފިރިހެން މީހާއަށް ފުރިހަމަ ކުރެވޭނީ ވަރަށް މަދު ފަހަރެއްގައެވެ. މި ޗެލެންޖު ފުރިހަމަ ވީ ކަމަށް ބަލަނީ ދެއަތް ފުރަގަހަށް ލުމަށްފަހު ނުވެއްޓި ހުރެވުމުންނެވެ.
މި ޗެލެންޖަކީ ފިރިހެނުންނަށް ވުރެ ރަނގަޅަށް އަންހެނުންނަށް ބެލެންސް ކުރެވޭނެކަން ސާބިތު ކޮށްދިނުމަށް ހަދާފައިވާ ޗެލެންޖެކެވެ. މީ މިހާރު ސޯޝަލް މީޑިއާގައި ވަރަށް ވައިގައި ހިފާފައިވާ ޗެލެންޖެކެވެ. ސޯޝަލް މީޑިއާގައި ގިނަބަޔަކު ދަނީ މި ޗެލެންޖު ގައި ބައިވެރި ވަމުންވެ. ދެ ޖިންސުގެ މީހުންގެ މެދުގައި ވެސް މި ޗެލެންޖުގެ މަގުބޫލު ކަން ވަނީ މިހާރު ވަރަށް ބޮޑުވެފައިއެވެ.
މި ވީޑިއޯ ހިއްސާ ކުރަމުން މީރާ ބުނެފައިވަނީ ޗެލެންޖެއް ވިއްޔާ އެކަމެއް ކުރަން ޝާހިދު ހުންނާނީ ތައްޔާރަށް ކަމަށެވެ. މި ވީޑީއޯއަށް ގިނަ ބެލުންތެރިންގެ ސަމާލުކަން ލިބިފައިވާ އިރު، ގިނަ ބަޔަކުވަނީ ޝާހިދުގެ ހުނަރަށް ތައުރީފު ކޮށްފައެވެ.
View this post on Instagram
މީރާ ރާޖް ޕުތު އަބަދުވެސް އޭނާގެ އިންސްޓްގްރާމުގައި ޝާހިދާއި މީރާގެ ފޮޓޯއާއި ވީޑިއޯ ހިއްސާ ކުރެއެވެ. އެގޮތުން އިންސްޓްގްރާމަކީ އޭނާ ވަރަށް ގިނައިން ބޭނުން ކުރާ، ބެލުންތެރިންނާއި ވާހަކަ ދެއްކުމަށާއި އެމީހުންގެ ސުވާލުތަކަށް ޖަވާބު ދިމުނަށް ބޭނުންކުރާ ވަސީލަތެކެވެ.
އެގޮތުން "އާސްކް މީ އެނީ ތިންގ" ސެޝަނެއްގައި ބެލުންތެރިއަކު ކުރި ސުވާލަކަށް ޖަވާބު ދެމުން މީރާ ބުނެފައިވަނި ޝާހިދު ކިބައިގާ ހުރި އެންމެ އުނދަގޫ ކަމަކީ އޭނާ މެސެޖް ކުރާ ގޮތެވެ. އެއީ އޭނާ ކުރާ މެސެޖު ތަކުގައި ޓައިޕޯތައް ގިނަވުމުން ބުނަން އުޅޭއެއްޗެއް ނަގައިގަންނަން އުނދަގޫ ވާތީ ކަމަށްވެސް މީރާ ވަނީ ބުނެފައެވެ. އެހެންނަމަވެސް މިހާރު އޭނާ އެކަމަށްވެސް އާދަވެފައި ވާކަމަށް މީރާ ވަނީ ބުނެފައެވެ.
