ފޮޓޯގައި އެވަނީ ބޮލީވުޑްގައި މިހާރު ފައިތިލަ ސާބިތުކޮށް ގިނަ ބައެއްގެ ލޯބި ހޯދަމުން އަންނަ 2 އަންހެން ތަރިންނެވެ. މިއީ ކޮންބައެއް ކަން އެނގޭ ހެއްޔެވެ.؟
މިއީ މިހާރު ކުރިއަރަމުން އަންނަ ތަރި ޖާންވީ ކަޕޫރުގެ އުފަންދުވަހުގެ ތަހުނިޔާ ކިއުމަށް އޭނަގެ ދެބެންގެދެދަރި ދައްތަ، އަދި މަޝްހޫރު ތަރި ސޯނަމް ކަޕޫރް އިންސްޓަގްރާމަށް އިއްޔެ ދޫކޮށްލި ފޮޓޯއެކެވެ.
ކުޑަކުޑަ ކޮއްކޮ އުރާލަިއގެން ޒުވާން އުމުރަށް އަޅަމުން އަންނަ ސޯނަމް އިން މި ފޮޓޯއަށް ގިނަ ބައެއްގެ ސަމާލުކަން ވަނީ ލިބިފައެވެ.
View this post on Instagram
ޖާންވީ ކަޕޫރުގެ ބައްޕަ ބޯނީ ކަޕޫރަކީ ސޯނަމް ކަޕޫރުގެ ބައްޕަ އަނިލް ކަޕޫރުގެ ބޭބެއެވެ.
ލަންޑަނުގައި މިހާރު ދިރިއުޅެމުންގެންދާ ސޯނަމް އޭނާގެ ދެބެންގެދެދަރި ކޮއްކޮއަށް އުފަންދުވަހުގެ ތަހުނިޔާ ކިޔަމުން ބުނެފައި ވަނީ "މަގޭ ލޯބިވާ ޖާނޫއަށް އަބަދުވެސް އުފާވެރިކަމާއި ބާއްޖަވެރިކަމާއި ކާމިޔާބަށް" އެދޭ ކަމަށެވެ.
ޖާންވީގެ އުފަންދުވަހުގެ ތަހުނިޔާ ކިޔާފައިވާ، އާއިލާގެ ގިނަ މެމްބަރުވެސް އޭނާގެ ކުޑައިރުގެ ފޮޓޯއާއި ވީޑިއޯ ހިއްސާކޮށްފައިވާކަން ފާހަގަކުރެވެއެވެ.
ޖާންވީއަށް އިއްޔެ ވަނީ 24 އަހަރު ފުރިފައެވެ. ނަމަވެސް އޭނާ މީގެކުރިން ބުނެފައި ވަނީ އޭނާ މިއަހަރު ފާހަގަކުރާނީ އޭނާގެ 23 ވަނަ އުފަންދުވަސް ކަމަށެވެ. ސަބަބަކީ މިދިޔަ 2020 ވަނަ އަހަރު އޭނާގެ ހަޔާތުން އޭނާ ފުހެލާފައި ވާތީއެވެ.
ފިލްމީ ދާއިރާގެ މަސައްކަތްތަކަށް ބަލާލާއިރު ޖާންވީ މިވަގުތު ތައްޔާރުވަމުންދަނީ އޭނާގެ ކުރިއަށްއޮތް ފިލްމު "ރޫހީ" އަންނަ ބުރާސްފަތި ދުވަހު އެޅުވުމަށެވެ. އަދި ސޯނަމް މިދުވަސްކޮޅު ކުރަމުންގެންދަނީ އޭނާގެ ކުރިއަށްއޮތް ހިންދީ ފިލްމު "ބަލައިންޑް"ގެ މަސައްކަތްތަކެވެ.
