އިންޑިއާގެ ބެޑްމިންޓަން ތަރި ސައިނާ ނޭވަލްގެ ދިރިއުޅުމުގެ މައްޗަށް ކުޅެފައިވާ ފިލްމުގެ ޓްރެއިލަރ ވަނީ އާންމު ކޮށްފައެވެ. މި ފިލްމުގައި ދައްކައިދޭނީ ސައިނާ ކުޑައިރުގެ ދިރިއުޅުމާއި ޕޮރޮފެޝަނަލް ކުޅުންތެރިއަކަށް ބަދަލު ވުމާއި ދެމެދުގައި ހިނގާފައިވާ ހާދިސާތަކެވެ. މި ފިލްމަކީ ބެލުންތެރިން ވަރަށް އިންތިޒާރު ކުރާ ފިލްމެކެވެ.
މި ފިލްމު ސިނަމާ ތަކުން ފެނިގެން ދާނީ މި މަހުގެ 26 ގައެވެ. މި ފިލްމުގެ ޓީސާގެ ފަހު ސިކުންތުތަކުގައި ފިލްމުގައި ސައިނާގެ ރޯލުކުޅޭ ޕަރިނީތީ ޗޯޕްރާ ބެޑްމިންޓަން ކުޅޭތަން ވަނި ދައްކާލާފައިއެވެ. މި ޓްރެއިލާއިން ފެނިގެންދާގޮތުގައި ސައިނާ ބުނެފައިވަނީ ކުރިމަތީގައި ކޮންމެ މީހަކަ ހުރި ކަމުގައިވިޔަސް އޭނާ ކުޅޭނީ މޮޅުވުމަށެވެ. އަދި މި ޓްރެއިލާއިން ސައިނާގެ ހިތްވަރާއި އޭނާ ކުރި މަސައްކަތުގެ ކުޑަމިންވަރެއްވަނީ ދައްކާފައެވެ.
މި ފިލްމުގެ ޝޫޓިންގެ ތެރެއިން ނަގާފައިވާ ފޮޓޯއެއް ޕަރިނީތީ ވަނީ ބެލުންތެރިންނާއި ހިއްސާކޮށްފައެވެ. އަދި މި ފޮޓޯއާއި އާއިއެކުގައި އޭނާ ލިޔެފައިވަނީ " އަހަރެންގެ ކޮންމެ ދުވަހެއްވެސް" މިހެންނެވެ. އަދި ޝޫޓިންގގެ ތެރެއިން އިތުރު ވީޑީއޯ ތައްވެސް ހިއްސާކޮށްފައި ވެއެވެ.
View this post on Instagram
ޕަރިނީތީގެ އެންމެ ފަހުގެ މަސައްކަތަށް ބަލާލާއިރު އެންމެ ފަހުން ރިލީސްވީ އޭނާގެ "ދަ ގާރލް އޮން ދަ ޓްރެއިން" އެވެ. ހަމަ މި ނަމުގައި ހޮލީވުޑްގެ ފިލްމެއްވެސް ވަނީ 2016 ވަނަ އަހަރު ނުކުމެފައެވެ. މިފިލްމުން ފެނިގެން ގޮސްފައިވަނީ އެމިލީ ބްލަންޓްއެވެ.
