ޓީވީ ތަރި އަނީތާ ހައްސަނަންދާނީ އާއި ރޯހިތު ރެއްޑީގެ ދަރިފުޅުގެ ފޮޓޯތައް ފުރަތަމަ ފަހަރަށް މީސްމީޑިއާގައި އާންމުކޮށްފި އެވެ.

އެމީހުންގެ ދަރިފުޅުގެ ފޮޓޯ އާންމުކޮށްފައި ވަނީ ވަރަށް މަޖާއަދި ލޯބި ވީޑިއޯ އަކުންނެވެ. އަނީތާއަށް ފިރިހެން ކުއްޖެއް ލިބިފައި ވަނީ މި މަހު ނުވަ ވަނަ ދުވަހުއެވެ.
މިއީ އަނީތާ އާއި ރޯހިތުގެ ފުރަތަމަ ދަރިފުޅެވެ. މިދެމީހުންގެ ކައިވެނިކުރީ 2013 ވަނަ އަހަރު އެވެ.

އަނީތާ އާއި ރޯހިތުވެސް ވަނީ އަލަށް މައިންބަފައިނަށްވުމުން ވަރަށް ބޮޑަށް އުފާވެރިކަން ފާޅުކޮށްފަ އެވެ. އެގޮތުން މި ދެމީހުންވެސް ވަނީ އަމިއްލަ ސޯޝަލްމީޑީއާގައި ދަރިއަކު ލިބުމުން ކުރެވުނު އިހުސާސްއާ ބެހޭގޮތުން ބެލުންތެރިންނާ އެކިއެކި ވާހަކަތަކާއި ވީޑިއޯތައް ހިއްސާކޮށްފައެވެ.

އާރަވް ރެއްޑީގެ ނަމުން ނަންދީފައިވާ އަނީތާ އާއި ރޯހިތުގެ ދަރިފުޅުގެ މޫނު ވަނީ ވީޑިއޯއެއްގެ ޒަރިއްޔާއިން ބެލުންތެރިންނާއި ހިއްސާކޮށްފަ އެވެ. މި ވީޑީއޯގެ ކެޕްޝަންއެއްގެ ގޮތުގައި ލިޔެފައިވަނީ "އެންޑް އަވާ ބޭބީ އާރަވް ހޭސް އަރައިވްޑް 9/02/2021″ މިހެންނެވެ.

 

View this post on Instagram

 

A post shared by Anita H Reddy (@anitahassanandani)

މީގެ ކުރިންވެސް އަނީތާއަދި ރޯހިތް ވަނީ އާރަވްގެ އެތައް ފޮޓޯއެއް ހިއްސާކޮށްފަ އެވެ. އެހެންނަމަވެސް ކޮންމެ ފޮޓޯއެއްގައިވެސް ދަރިފުޅުގެ މޫނު ވިސްނުންތެރިކަމާއިއެކު ފޮރުވާފައި ވެއެވެ. އެގޮތުން އާރަވް ނިދާފައި އޮތް ފޮޓޯއާއި، އަނީތާ ދަރިފުޅު އުރާލައިގެން ހުރި ފޮޓޯއަކަށް ހުރިހާ ބެލުންތެރިންގެ ވެސް ލޯބިވަނީ ލިބިފައެވެ.

 

View this post on Instagram

 

A post shared by Anita H Reddy (@anitahassanandani)

އަނީތާ ކުޅެފައިވާ ބައެއް މަގުބޫލު ސީރީޒް ތަކުގެ ތެރޭގައި "ނާގިން"، "ޔޭ ހޭ މޮހަބައްތޭން"، "ޔޭ ހޭ އާޝިގީ"، "ކިޔޫ ކީ ސާސް ބީ ކަބީ ބަހޫ ތީ" ފަދަ އެތައް ޑްރާމާ ސިލްސިލާތައް ހިމެނެ އެވެ.