ވިކީ ކޮއުޝަލްގެ "ޑޯންޓް ރަޝް" ޗެލެންޖް ވީޑިއޯ ވަނީ ކުޑަ ވަގުތުކޮޅެއްގެ ތެރޭގައި ވައިރަލްވެފަ އެވެ.
ފުރަބަންދުގެ ތެރޭގައި ފިލްމީ ތަރި ވިކީ ކޮއުޝަލްވަނީ މީސްމީޑިއާގައި ވަރަށް ގިނައިން ވަގުތު ހޭދަކޮށްފަ އެވެ. އެގޮތުން ކައްކާ ވީޑީއޯ އާއި ސެލްފީތައް ބެލުންތެރިންނާއި ހިއްސާކުރަމުން ދިޔައެވެ. ނަތީޖާއެއްގެ ގޮތުން އޭނާގެ ފޭނުން އިތުރުވެ ބެލުންތެރިން ވިކީއަށް ޝައުގުވެރިކަން ކުރިއަށްވުރެ ބޮޑަށް ދޭންވަނީ ފަށާފައެވެ.
ފުރަބަންދު ނިމި މަސައްކަތް އަލުން ފަށާފައިވުމާއެކު ވިކީ ދޭތެރެ ދޭތެރެއިން އޭނާގެ ޝޫޓިންގ ސައިޓުތަކުގައި ނަގާފައި ހުންނަ ފޮޓޯތައް ހިއްސާކުރެއެވެ. އެގޮތުން ދާދިފަހުން އޭނާގެ ކްރޫއާއި އެކުގައި ނަގާފައިވާ "ޑޯންޓް ރަޝް" ޑާންސް ޗެލެންޖެ ވީޑިއޯ ވަނީ ހިއްސާކޮށްފަ އެވެ. އަދި މި ވީޑީއޯވަނީ ވަރަށް ގިނަ ބަޔަކަށް ކަމުގޮސްފަ އެވެ.
މި ވީޑީއޯއިން ވިކީ ފެނިގެންދަނީ ޓައިޑާ ޓީޝާޓަކާއި ހުދު ސޯޓެއްގެ އިތުރުން ކަޅުކުލައިގެ ޓައިޓެއް ލައިގެން ހުއްޓައެވެ. އަދި މީގެ އިތުރުން ހުދު ކުލައިގެ ސްނީކާސް އަދި ކަޅުކުލައިގެ ތޮއްޕެއްވެސް ވިކީވަނީ އަޅާފައެވެ. މި ވީޑީއޯއަށް ގިނަ އަދަދެއްގެ ފަންނާނުންވެސް ވަނީ ރިއެކްޓު ކޮށްފައެވެ.
View this post on Instagram
މިދިޔަ މަހު ވިކީގެ ފިލްމު "ޔޫރީ"އަށް ވަނީ ދެއަހަރު ފުރިފައެވެ. ދެން ވިކީ ފެނިގެން ދާނީ އަދިތިޔާ ދަރް އާއިއެކުގައި " ދަ އިމޯޓަލް އަޝްވައްތަމާ" އިންނެވެ. މި ފިލްމުން ވިކީ ފެނިގެން ދާނީ ސުޕާހީރޯއެއްގެ ގޮތުގައެވެ.
