ކަރީނާ ކަޕޫރު ޚާން ދެވަނަ ދަރިފުޅު ވިހައިފި އެވެ.
ކަރީނާ އާއި ސައިފް އަލީ ޚާނަށް މިފަހަރު ވެސް ލިބުނީ ފިރިހެން ކުއްޖެކެވެ. ކަރީނާ ވިހަން، މުމްބާއީގެ ބްރިޖް ކޭންޑީ ހޮސްޕިޓަލްގައި އެޑްމިޓްވީ ރޭގައެވެ. އަދި އޭނާ ދެވަނަ ފިރިހެން ދަރިފުޅު ވިހާފައި ވަނީ މިއަދުގެ ވަގުތެއްގައެވެ.
ކަރީނާއާއި ސައިފް އެމީހުންގެ2 ވަނަ ދަރިފުޅު ލިބެން އުޅޭކަން އިއުލާން ކުރީ މިދިޔަ އަހަރުގެ އޯގަސްޓް މަހު އެވެ. އެ ދެމަފިރިންގެ ފުރަތަމަ ދަރިފުޅު ތައިމޫރް އަލީ ޚާން އުފަންވީ 2016 ވަނަ އަހަރުގެ ޑިސެމްބަރު މަހުގެ20 ވަނަަ ދުވަހުއެވެ.
4 އަހަރުގެ ތައިމޫރް އަކީ އުފަންވީއްސުރެ މީޑިއާއާއި އާންމުންގެ ސަމާލުކަން އެންމެ ބޮޑަށް ލިބުނު އިންޑިއާގެ "ސްޓަރ ކިޑް" އެވެ. ކަރީނާ އާއި ސައިފް މީގެކުރިން ބުނެފައި ވަނީ އެމީހުންގެ ފުރަތަމަ ދަރިފުޅަށް މީޑިއާއިން އެދިން ސަމާލުކަން ދެވަނަ ދަރިފުޅަށް ނުދިނުން އެދޭ ކަމަށެވެ. އަދި އެމީހުންގެ އަމިއްލަ ދިރިއުޅުމަށް އިހްތިރާމް ކޮށްދިނުމަށްވެސް ކަރީނާ މީގެ ކުރިން ވަނީ އެދިފައެވެ.
It’s a boy!#KareenaKapoorKhan and #SaifAliKhan blessed with their second baby boy. We congratulate the couple for the same. pic.twitter.com/F8XDT370lV
— Filmfare (@filmfare) February 21, 2021
ދެވަނަ ދަރިފުޅު އުފަންވީ ޚަބަރާއެކު ސޯޝަލް މީޑިއާ ގައި މި ދެތަރިންގެ ފޭނުން ގެންދަނީ މަރުހަބާ އާއި އުފަލުގެ މެސެޖްތައް ހިއްސާކުރަމުންނެވެ.
މިއީ ކަރީނާ އާއި ސައިފްގެ 2 ވަނަ ދަރިފުޅަށް ވީނަމަވެސް ސައިފްގެ4 ވަނަ ދަރިފުޅެވެ. ސައިފްގެ ފުރަތަމަ ކައިވެންޏަށް ވެސް ދެކުދިން ލިބިފައި ވެއެވެ. އެއީ ސާރާ އަލީ ޚާން އާއި އިބްރާހީމް އަލީ ޚާނެވެ.
