ލޯބިވެރިންގެ ދުވަހާ ދިމާކޮށް ޝިލްޕާ ޝެއްޓީ އާއި ފިރިމީހާ، ރާޖް ކުންދްރާގެ ޚާއްސަ ވީޑިއޯއެއް ނެރެފި އެވެ.

މިދިޔަ ހުކުރު ދުވަހު ޝިލްޕާ ވަނީ އޭނަގެ އިންސްޓަގްރާމުގައި މި ވީޑިއޯގެ ކުރު ކްލިޕްތަކެއް ހިއްސާކޮށްފައެވެ.

މީގެ ތެރެއިން އެއް ކްލިޕްގައި ޝިލްޕާއަށް އެންމެ ކަމުދާ ލޯބީގެ ވާހަކައަކީ ކޮބައިތޯ ރާޖް އާއި ސުވާލުކުރުމުން، އޭނާއަށް އެންމެ ފުރަތަމަ ޖަވާބު ދޭން ނޭގުނެވެ. މިއާއެކު ޝިލްޕާ ވަނީ އޭނާ ހިތްހަމަ ނުޖެހުނުކަން އަންގައިދުމަށްޓަކައި ހަޅޭއްލަވައި ގަނެފައެވެ.

އެހެންނަމަވެސް ރާޖްވަނީ އަވަހަށް މިއަށް ރައްދެއް ދީފައެވެ. އެގޮތުން އޭނާ ބުނެފައިވަނީ އިއީ އެދެމީހުންގެ "ބެޑްރޫމް ސީކްރެޓް" އެއްކަމަށެވެ. މި ޖަވާބާއި އެކުގައި ޝިލްޕާވަނީ ލަދުގަނެފައެވެ

 

View this post on Instagram

 

A post shared by Shilpa Shetty Kundra (@theshilpashetty)

އެހެން ވީޑިއޯ ކްލިޕަކުން ފެންނަ މަންޒަރުން ޝިލްޕާވަނީ އޭނާގެ ބަދަލު ހޯދާފައެވެ. އެގޮތުން ރާޖް ލަދުގަންނަ ކަހަލަ ސިއްރުތައް ވަނީ ހިއްސާކޮށްފަ އެވެ. އެގޮތުން ރާޖް އާއި އޭނާގެ "ރަޖްމާ އަދި ޗޯލޭ" ވާހަކައެއް ވަނީ ހިއްސާކޮށްފަ އެވެ.

 

View this post on Instagram

 

A post shared by Shilpa Shetty Kundra (@theshilpashetty)

2009 ވަނަ އަހަރު ޝިލްޕާ އަދި ރާޖް ކައިވެނި ކޮށްފައިވާއިރު އެދެމީހުންނަށް ވަނީ ދެ ދަރިން ލިބިފައެވެ. އަށް އަހަރުގެ ވިއާން ރާޖް ކުންދްރާ އާއި އެއް އަހަރުގެ ސަމިޝާ ޝެއްޓީ ކުންދްރާ އެވެ.

ރާޖް އާ ގުޅޭގޮތުން ޝިލްޕާ ކުރިން ކޮށްފައިވާ ޓްވީޓެއްގައި ބުނެފައިވާ ގޮތުން ރާޖަކީ ވަރަށް ހެޔޮ ހިތެއްގެ ވެރިއެއް ކަމެކެވެ. އަދި އޭނާއަކީ ވަރަށް ރަނގަޅު ދަރިއެއް، ބޭބެ އެއް، އަދި ފިރިއެކެވެ. އަދި ހަމައެހެންމެ އޭނާއަކީ އެހާމެ ރަނގަޅު ބައްޕައެކެވެ. އަދި މިއީ ޝިލްޕާ ރާޖް އާ ކައިވެނި ކުރި ސަބަބު ކަމަށްވެސް ބުނެފައި ވެއެވެ.