ޑީއާރުޕީގެ ދަރަނިތަކާއި ގުޅިގެން ރައީސް މައުމޫން ޢަބްދުލް ޤައްޔޫމްގެ މައްޗަށް ދަޢުވާކުރުމަށް އެޕާޓީގެ ކައުންސިލުން ފާސްކޮށްފިއެވެ.
ދަރަނީގެ ބައެއް ބިލްތަކާއެކު ޑީއާރުޕީން ކުރި ޓްވީޓެއްގައި ބުނެފައިވަނީ ރައީސް މައުމޫންގެ މައްޗަށް ދައުވާކުރަން ނިންމާ، އެޕާޓިގެ ހުރިހާ ދަރަންޏެއް އަދާކުރުން މިވަގުތަށް މަޑުޖައްސާލާފައިވާކަމަށެވެ. ޑީއާރުޕީން ވަނީ މިސަރުކާރު ކޯލިޝަންގައި ރައީސް މައުމޫންގެ އެމްއާރުއެމްގެ ބައިވެރިވުން އޮތުމުން އެކަން ކުށްވެރިކޮށްފައެވެ.
#DRP ge kureege Zaeem @maumoonagayoom ge leadership gai #DRP vanee boduthanun daraniverikoh eah bill thakuge faisaa nudhahkaa partyge eyruge memberunge bolugai dharani alhuvaa, party dhookoh, eyruge dharanithakuge bill thah miadhuves annaathee edharanyah zinmaavumah 1/3 pic.twitter.com/L9CvDFx2ug
— DRP (@drpmaldives) October 13, 2020
ކާށިދޫ ދާއިރާގެ މިހާރުގެ މެންބަރު ޢަބްދުﷲ ޖާބިރުގެ ލީޑަރުކަމުގެ ދަށުން ހިންގާ ޑީއާރުޕީން ބުނީ ރައީސް މައުމޫންގެ ލީޑަރޝިޕްގައި ޑިއާރުޕީ ވަނީ ބޮޑެތި ޢަދަދުތަކުން ދަރަނިވެރިކޮށް އެބިލްތަކުގެ ފައިސާ ނުދައްކާ ޕާޓީގެ އޭރުގެ މެންބަރުންގެ ބޮލުގައި ދަރަނި އަޅުވާފައިކަމަށް ތުހުމަތުކޮށްފައެވެ.
ޑީއާރުޕީއަކީ ރާއްޖޭގައި ދެވަނައަށް ރަޖިސްޓްރި ސިޔާސީ ޕާޓީއެވެ. އެޕާޓީ އުފެއްދެވީ އޭރު ވެރިކަމުގައި ހުންނަވައިގެން ރައީސް މައުމޫނެވެ. ޑީއާރުޕީގެ ޒަޢީމަކަށް ހުންވައިގެން ރައީސް މައުމޫންގެ ލީޑާރޝިޕްގައި އެޕާޓިން ވަރަށް ގިނަ ކާމިޔާބީތައް ހާސިލުކޮށްފައިވެއެވެ. ނަމަވެސް ޑީއާރުޕީގެ އެތެރޭގައި އުފެދުނު ޚޔާލުތަފާތުވުންތާއެކު އެޕާޓީ ދެބައިވެ ރައީސް މައުމޫން އިސްވެ ހުންނަވާ އުފެއްދެވީ ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް)އެވެ.
އަދި އޭގެ ފަހުން އެޕާޓީގެ ތެރޭގައި އޭރުގެ ރައީސް އަދި ރައީސް މައުމޫންގެ ކޮއްކޯފުޅު ޔާމީން ޢަބްދުލް ޤައްޔޫމާއި ދެމެދު ޚިޔާލުތަފާތުވުންތައް އުފެދި އެމަނިކުފާނު ވަނީ ޕީޕީއެމް އިން ދުރުކުރައްވާފައެވެ. އޭގެ ފަހުން ރައީސް މައުމޫން އުފައްދަވާފައިވަނީ މައުމޫން ރިފޯމް މޫވްމަންޓް (އެމްއާރުއެމް) އެވެ. އެމްއާރުއެމްއަކީ މިސަރުކާރުގެ ކޯލިޝަންގެ ބައިވެރިއެކެވެ.
ރައީސް މައުމޫންގެ މައްޗަށް ޑީއާރުޕީން ބޮޑެތި ތުހުމަތުތަކެއް ކުަރއްވާއިރު ޖާބިރުގެ ކުރިން އެޕާޓީގެ ލީޑަރަކަށް ހުންނެވީ ނޮޅިވަރަމް ދާއިރާގެ ކުރީގެ މެންބަރު ކާނަލް މުޙައްމަދު ނަޝީދެވެ.
ކޮމެންޓު ފޮނުވާ