އިރާނުގެ ގައުމީ ޓީވީ ސްޓޭޝަނަށް އިސްރާއީލުން ބޮން އަޅާފައިވާކަމަށް އީރާނުން ބުނެފިއެވެ. އީރާނުގެ ގައުމީ ޓީވީ ނެޓްވާކުން ދައްކާފައިވާ ފޫޓޭޖުގައި ފެނިގެންދިޔައީ އަންހެން ޕްރެޒެންޓަރެއް ލައިވްކޮށް އޮންއެއަރުގައި ހުރި ވަގުތެއްގައި ބޮޑު ގޮވުމެއްގެ އަޑު އިވުނު ތަނެވެ.
އިރާނުގެ ދަރިވަރުންގެ ނިއުސް އެޖެންސީ (އައިއެސްއެންއޭ) ގެ މައުލޫމާތު ތަކަށް ބަލާއިރު، އެ ޗެނަލްގެ ބްރޯޑްކާސްޓްތައް މިހާރުވަނީ އާދައިގެ ގޮތަށް އަނެއްކާވެސް ފަށާފައެވެ.
މެހެރު ނިއުސް އެޖެންސީން ރިޕޯޓްކުރި ގޮތުގައި، އިރާނު ބްރޯޑްކާސްޓަރގެ އެންކަރ ސަހަރު އިމާމީ މިހާރުވަނީ ޚަބަރު ނެޓްވާކްގެ ލައިވް ބްރޯޑްކާސްޓަށް އެނބުރި އައިސްފައިވެއެވެ.
މި ހަމަލާ އައިސްފައިވަނީ މިއަދު އިސްރާއީލުގެ ޑިފެންސް މިނިސްޓަރު ކާޓްޒް ދިން އިންޒާރަކަށް ފަހުގައެވެ. އޭނާ ބުނެފައިވަނީ "އިރާނުގެ ޕްރޮޕަގަންޑާ އާއި ހިތްވަރުދިނުމުގެ މައުތްޕީސް ގެއްލިގެންދާނެ ވަގުތު ގާތްވެއްޖެ. ކައިރީގައި ދިރިއުޅޭ މީހުން ބަދަލުކުރުން ފަށައިފި" ކަމަށެވެ.
އިރާނުގެ ސަރުކާރު ބްރޯޑްކާސްޓަރު، އައިއާރުއައިބީ ހުންނަނީ މީހުން ބަދަލުކުރުމަށް އިސްރާއީލުން އިންޒާރު ދީފައިވާ ސަރަހައްދުގައެވެ.
ކޮމެންޓު ފޮނުވާ