ކުރިއަށް އޮތް ރޯދަ މަހު މާލޭގެ ނޫރު މިސްކިތުގައި އިމާމުވެ ތަރާވީހް ނަމާދުކުރާނީ 11 އަހަރުގެ އިޒްކާން އަޖީބް ހުސައިން ކަމަށް އިސްލާމިކް މިނިސްޓްރީން ބުނެފިއެވެ.
ގުރުއާން ހިތުދަސްކޮށްފައިވާ އިޒްކާން މިއަދު ވަނީ އޭނާގެ މަންމަ އާއި ބައްޕައާ އެކުގައި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދާ ބައްދަލުކުރައްވައިފައެވެ.
ޝަހީމް "އެކްސް" ގައި ކުރެއްވި ޕޯސްޓެއްގައި ވިދާޅުވީ އެ ބައްދަލުވުމުގައި، އިޒްކާން އެދުނީ ރޯދަ މަހު އިމާމުވެ ތަރާވީސްކުރުމުގެ ފުރުސަތު ހޯދައި ދޭން ކަމަށެވެ. އެ ފުރުސަތު އިޒްކާން އަށް ލިބޭނެ ކަމުގެ ޔަގީންކަން ދެއްވި ކަމަށް ވެސް މިނިސްޓަރު ވިދާޅުވިއެވެ.
The Minister of Islamic Affairs, Dr. Mohamed Shaheem Ali Saeed, recently convened with Al-Hafiz Izkan Ajeeb Hussain, an eleven-year-old about to lead the Taraweeh Prayer at Masjid Al-Noor this Ramadan. pic.twitter.com/e3TxyKVrLe
— Ministry of Islamic Affairs (@MVIaffairs) February 15, 2024
އިޒްކާން އިމާމުވެ ތަރާވީހް ނަމާދު ކުރުމަށް ހަމަޖެހިފައި ވަނީ ހެންވޭރު ކޮޅުގައި ހުންނަ ނޫރު މިސްކިތުގައެވެ.
ޒުވާން އިމާމުންނާއި ހަތީބުންނަށް ފުރުސަތު ފަހިކޮށްދިނުމުގެ ގޮތުން ގްރޭޑް 10، 11، 12 ނިންމާފައިވާ ރީތިކޮށް ގުރުއާންކިޔަވާ، ނަމާދުގެ ފިގުހަށް އަހުލުވެރި ޒުވާނުންނަށް، އިމާމުވެ ހުކުރުކޮށް ހުތުބާކިޔުމުގެ ހުއްދަ ދޭން އިސްލާމިކް މިނިސްޓްރީން ދާދި ފަހުން ވަނީ ނިންމައިފައެވެ.
