ކުރިއަށް އޮތް ލޯކަލް ކައުންސިލް އިންތިޚާބުގައި ވާދަކުރާ ކެނޑިޑޭޓުންނަށް ކެމްޕެއިންކުރުމަށް ހަމަހަމަ ފުރުޞަތު ނުލިބޭކަމަށް ވިދާޅުވެ މާލެ ސިޓީގެ މޭޔަރުކަމަށް ވާދަކުރައްވާ ޑރ.މުޢިއްޒު ކަންބޮޑުވުން ފާޅުކުރައްވައިފިއެވެ.
މުޢިއްޒު ކުރެއްވި ޓްވީޓެއްގައި ވަނީ، ލޯކަލް ކައުންސިލް އިންތިޚާބުގައި ވާދަކުރާ ކެނޑިޑޭޓެއްގެ ހައިސިއްޔަތުން ދޮރުން ދޮރަށް ހިނގުންފަދަ ކެމެޕެއިން ކުރުމުގެ ފުރުޞާތު މިހާރު ދެއްވީތޯ އިލެކްޝަންސް ކޮމިޝަނާއި އެކޮމިޝަންގެ ރައީސް އަޙްމަދު ޝަރީފާއި، އެޗްޕީއޭ ޓެގްކުރައްވާ ސުވާލު ކުރެއްވާފައެވެ.
އަޅުގަނޑު މިހުންނަނީ މީ އަދި ޤާނޫނީ ގޮތުން މަނާކަމަކަށް ދެކިގެން. އެމްޑީޕީ ކެނޑިޑޭޓުން ކެމްޕެއިން ކުރަމުން ދާތީ، ހަމަހަމަ ފުރުޞަތު ދެއްވުން އެދެން
– ޕީޕީއެމްގެ ނާއިބު ރައީސް ޑރ.މުޙައްމަދު މުޢިއްޒު
LCE candidate egge haisiyyathun doortodoor fadha campaign kurumuge furusath mihaaru huhdha tho? @ElectionsMv @HPA_MV @ShareefRangondi Alhugandu mihunnanee mee adhi gaanoonee gothun manaa kankankamah dhekigen.MDP candidatun campaign kuramun dhaathee,hamahama furusath dhevvun edhen
— Dr Mohamed Muizzu (@MMuizzu) December 12, 2020
ކުރިއަށް އޮތް އިންތިޚާބުގައި ވާދަކުރާ އިދިކޮޅު ފަރާތްތަކަށް ކެމްޕެއިން ކުރުމަށް ފުރުޞަތު ނުދެއްވާކަމަށް ބުނެ އިދިކޮޅު ކޯލިޝަނުން ދަނީ ކަންބޮޑޫވުން ފާޅުކުރަމުންނެވެ. މިސަރުކާރުގެ އިސްވެރިން ކޯވިޑް-19ގެ މި ޙާލަތުގައިވެސް ރަށްރަށް ވަޑައިގަންނަވަނީ އިންތިޚާބަށް ކެމްޕެއިން ކުރުމަށްކަމަށް ބުނެ ބައެއް ފަރާތްތަކުން ދަނީ ފާޑުކިޔަމުންނެވެ. އިދިކޮޅު ޕީޕީއެމް ޕީއެންސީން ވަނީ ކެމްޕެއިން ކުރުމަށް ހަމަހަމަ ފުރުޞަތު ނުދޭކަމަށްވާނަމަ ކޯޓަށް މައްސަލަ ހުށައަޅާނެކަމަށްވެސް ބުނެފައެވެ.
ކޮމެންޓު ފޮނުވާ