ބޮލީވުޑްގެ ކުރީގެ އައިޓަމް ގާލް މަލައިކާ އަރޯރާ އާއި މަޝްހޫރު ލަވަކިއުންތެރިއާ ގުރޫ ރަންޑަވާ އެކުގައި ފެނިގެންދާ ވީޑިއޯ ލަަވައެއް ބެލުންތެރިނަށް ދޫކޮށްލައިފިއެވެ.
ކާމިޔާބު އައިޓަމް ލަވަތަކެއް ކުޅެފައިވާ ބަތަލާގެ މިފަހަރުގެ ލަވަ އަކީ ގުރޫގެ އަލްބަމް "މޭން އޮން ދަ މޫން" ގައި ހިމެނޭ "ތޭރާ ކީ ހަޔާލު" އެވެ. މި ލަވައިގައި މަލައިކާ ވަނީ ވަރަށް ހޮޓް ނެށުންތަކަކާއި އެކުގައި ފެނިގެން ގޮސްފައިއެވެ.
49 އަހަރުގެ ބަތަލާ ގެ ބަތަލާގެ މި ލަވަ ޓި ސީރިޒް ގެ ޔޫޓިއުބް ޗެނަލުން ފެނިގެންދާނެއެވެ. މި ލަވަ ކިޔައިފައިވަނީ ސަންޖޯއީ އާއި ރޯޔަލް މާން އެވެ. މީ ވަރަށް ގްލެެމަރަސް ލަވައެކެވެ.
މަލައިކާ އަކީ ކުރިން ވަރަށް ގިނަ އިން އައިޓަމް ސޯންގް ތަކުން ފެނިގެން ގޮސްފައިވާ ބަތަލާއެކެވެ. ނަމަވެސް މިހާރު އޭނާ ގެ އައިޓަމް ސޯންގް ތަށް ވަރަށް މަދެވެ. އެންމެ ފަހުން އޭނާ ފެނިގެން ދިއައީ މިދިޔަ އަހަރު ރިލީޒްކުރި އަޔޫޝްމަން ކްރާނާގެ ފިލްމު "އޭން އެކްޝަން ހީރޯ" ގެ އައިޓަމް ސޯންގް އަކުންނެވެ.
މަލައިކާ ގެ މަގުބޫލު އައިޓަމް ސޯންގް ތަކުގެ ތެރޭގައި 1998 ވަނަ އަހަރުގެ ފިލްމް "ދިލްސޭ" ގެ "ޗައްޔާ ޗައްޔާ" އާއި 2010 ވަނަ އަހަރުގެ ފިލްމް "ދަބަންގް" ގެ "މުންނީ ބަދުނާމް" އަދި 2012 ވަނަ އަހަރުގެ ފިލްމް "ހައުސް ފުލް" ގެ "އަނާރްކަލީ ޑިސްކޯ ޗަލީ" ހިމެނެ އެވެ.
