އާރުޑީސީއަކީ 4 އަހަރުވީއިރު، ތިމަރަފުށީ 8 މަގުގައި ތާރު ނޭޅުނުބައެއް ކަމަށް ވިދާޅުވެ ތިމަރަފުށީ ދާއިރާގެ މެމްބަރު ރިޔާޒުގެ ފާޑުކިޔުން އާރުޑީސީއަށް އަމާޒުވެއްޖެއެވެ.

މިނިސްޓްރީ އޮފް ނޭޝަނަލް ޕްލޭނިންގ ހައުސިންގ އެންޑް އިންފްރާސްޓްރަކްޗަރގެ ފަރާތުން ތިމަރަފުށީގެ މައި މަގުތައް ތަރައްޤީކުރުމުގެ މަސައްކަތް އާރް.ޑީ.ސީއާއި ހަވާލުކޮށް، އެކަމުގެ އެއްބަސްވުމުގައި ސޮއިކޮށްފައިވަނީ 21 ޑިސެމްބަރު 2019 ގައެވެ. މުޅި މި މަޝްރޫޢަށް 75 މިލިއަނަށްވުރެ ގިނަ ރުފިޔާ ޚަރަދުވާނެކަމަށް ސަރުކާރުން ވަނީ ބުނެފައެވެ.

މިމަސައްކަތުގެ ތެރެއިން މިހާތަނަށްވެސް ގިނަ މަގުތަކުގައި ތާރު ނޭޅި މަސައްކަތް ހިނގަމުންދާލެއް ލަސްވާތީ އެރަށު ގިނަބަޔަކަށް މިކަމުގެ ދަތިތަކާއި ވަނީ ކުރިމަތިވެފައެވެ.

ތިމަރަފުށީގެ މަގުތައް ނުނިމި އެތައް ދުވަހެއް ވެގެންދާއިރު ހއ. އިހަވަންދޫ މަގުތައް ޒަމާނީ ފެންވަރަށް ތަރައްޤީކުރުމުގެ މަސައްކަތް އާރުޑީސީއާއި ހަވާލު ކުރުމުން ރިޔާޒު ވަނީ ތިމަފަރުށީގެ 8 މަގު 4 އަހަރު ތެރޭ ނުހެދުނު ބަޔަކަށް އަނެއްކާވެސް ބޮޑު ޕްރޮޖެކްޓެއް ދިނުމަކީ ހައިރާންވާ ކަމެއްކަމަށެވެ.

4 އަހަރުވީއިރު ތިމަރަފުށީގަ އެންމެ 8 މަގު ނުހެދުނުބަޔަކަށް އަނެއްކާވެސް އަނެއް ޕްރޮޖެކްޓް! https://t.co/3MqICziDQt

— Abdulla Riyaz MP (@riyazabdulla) April 2, 2023

އިހަވަންދޫގެ މަގުތައް ޒަމާނީ ފެންވަރަށް ތަރައްޤީކުރުމުގެ މަޝްރޫޢު އާރް.ޑީ.ސީއާއި ޙަވާލުކޮށްފައިވަނީ 102 މިލިއަނަށްވުރެ ގިނަ ރުފިޔާއަށެވެ. ޑިޒައިން އެންޑް ބިލްޑް އުޞޫލުން ކުރިއަށްގެންދާ މި މަސައްކަތް އެކުންފުންޏާއި ޙަވާލުކޮށްފައިވަނީ 18 މަސް ދުވަހުގެ ތެރޭގައި މަސައްކަތް ނިންމާގޮތަށެވެ.