ގދ.ފަރެސްމާތޮޑާ އެއަރޕޯޓް ރަސްމީކޮށް ހުޅުވުމަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ކުރައްވާ ދަތުރުފުޅުގައި އަރިހުގައި ޓްރާސްޕޯޓް މިނިސްޓަރ އައިޝަތު ނަހުލާ ބައިވެރިވެ ވަޑައިގެންފިއެވެ.
މިއީ ޖުމްހޫރީ ޕާޓީން ރިޔާސީ އިންތިޚާބުގައި ވަކިން ވާދަކުރަން ނިންމިފަހުން ނަހުލާ ބައިވެރިވާ ސަރުކާރުގެ ފުރަތަމަ އިވެންޓެވެ. އެމްޑީޕީގެ މަޖިލިސް މެމްބަރުންނާއި، ބައެއް އާންމު މެމްބަރުންވެސް ސަރުކާރުގައި ތިބި ޖޭޕީގެ ވަޒީރުންނާއި، އެހެނިހެން މަޤާމުތަކުގައި ތިބި ބޭފުޅުން މަޤާމުތަކުން ވަކި ކުރުމަށް ދަނީ ގޮވާލަމުންނެވެ.
ހުވަދުއަތޮޅު ދެކުނުބުރި ފަރެސްމާތޮޑާ އެއާރޕޯރޓް ހުޅުވުމުގެ ރަސްމިއްޔާތުގައި ބައިވެރިވުމަށް ރައީސުލްޖުމްހޫރިއްޔާ @ibusolih ފުރައިވަޑައިގަންނަވައިފި.#Heyoverikan #Ibu2023 pic.twitter.com/rgtjpJhoeY
— Hussain Shafiu (@charly_thuthu) March 15, 2023
ފަރެސްމާތޮޑާ އެއާޕޯޓް ރަސްމީކޮށް ހުޅުވަން ހަމަޖެހިފައިވަނީ މިރޭ ބާއްވާ ޚާއްސަ ރައްމިއްޔާތުގައި ރައީސް ޞާލިހުއެވެ. ހޯމަދުވަހު ވަނީ ފަރެސްމާތޮޑާ އެއަރޕޯޓުގައި ޓެސްޓް ފްލައިޓް ޖައްސާފައެވެ. ޓެސްޓް ފްލައިޓް ޖައްސާފައިވަނީ ހޯމަދުވަހު ހަވީރު 17:28 ގައެވެ. ފަރެސްމާތޮޑާ އެއަރޕޯޓުގައި ޖައްސާފައިވަނީ މޯލްޑިވިއަންގެ ފްލައިޓް Q2-6482. މިއީ، ޑޭޝް 8 – 300 މަރުކާގެ ބޯޓެކެވެ.
ޓެސްޓް ފްލައިޓްގައި މިނިސްޓަރ އޮފް ނޭޝަނަލް ޕްލޭނިން ހައުސިން އެންޑް އިންފްރަރސްޓްރަކްޗަރ މުހައްމަދު އަސްލަމްވަނީ އެރަށަށަށް ވަޑައިގެންފައެވެ. މިނިސްޓަރުގެ އިތުރުން ފެނަކައިގެ މެނޭޖިން ޑިރެކްޓަރ އަޙްމަދު ސަޢީދު މުޙައްމަދާއި މޯލްޑިވިއަންގެ ޑެޕިއުޓީ މެނޭޖިން ޑިރެކްޓަރ އައިޝަތު ޖެނިފަރ އާއި ރީޖަނަލް އެއަރޕޯޓުގެ މެނޭޖިން ޑިރެކްޓަރ މުޙައްމަދު ރިޒްވީވެސްވަނީ އެރަށަށް ވަޑައިގެންފައެވެ.
އެ އެއާޕޯޓް އެޅުމުގެ އަމަލީ މަސައްކަތް ފަށާފައި ވަނީ 2021 ވަނަ އަހަރުގެ ޖޫން މަހުގައެވެ. އެއާޕޯޓް އަޅަން ބިން ހިއްކުމުގެ މަސައްކަތްކޮށްފައިވަނީ ގަލްފް ކޮބްލާ ޓެންސާ ކުންފުނިންނެވެ. އެ ކުންފުންޏާއި މި މަސައްކަތް ހަވާލުކޮށްފައިވަނީ 2.5 މިލިއަން ޑޮލަރު (38 މިލިއަން ރުފިޔާ) އަށެވެ.
ޖުމުލަ 144.8 މިލިއަން ރުފިޔާގެ މި މަޝްރޫއުގެ ދަށުން 1200 މީޓަރުގެ ރަންވޭއަކާއި ޓެކްސީވޭ އަކާއި އޭޕްރަންއަކާއި ސާވިސް ރޯޑު އިމާރާތް ކޮށްފައި ވެއެވެ. ފަރެސްމާތޮޑާގައި އެއާޕޯޓެއް އަޅާއިރު، އެ އަތޮޅު ގދ. ކާޑެއްދޫ އާއި ގއ. ކޫއްޑޫ އަދި މާވާރުލުގައި ވެސް އެއާޕޯޓެއް ހިންގައެވެ.
ކޮމެންޓު ފޮނުވާ