ސުޕަސްޓާ ސަލްމާން ހާންގެ މިއަހަރުގެ ފިލްމް "ކިސީ ކާ ބާއީ، ކިސީ ކީ ޖާން" ގެ ފުރަތަމަ ލަވަ ބެލުންތެރިންނަށް ދައްކައިލައިފިއެވެ.
މި ފިލްމް ގެ ފުރަތަމަ ލަވަ އަކީ ވަރަށް ރޮމޭންޓިކް ލޯބީގެ ލަވައެކެވެ. ލަވައިން ފެނިގެންދަނީ ފިލްމް ގެ ލީޑުރޯލުން ފެނިގެންދާ ދެތަރިންނެވެ. އެއީ ސަލްމާން ހާން އާއި ޕޫޖާ ހޭގްޅޭއެވެ.
ލަވައިގެ ނަމަކީ "ނައިޔޯ ލަގްދާ" އެވެ. ހިމޭޝް ރޭޝަމިއާގެ މިއުޒިކަށް ހަދާފައިވާ ލަވަ ކިޔާފައި ވަނީ ކަމާލް ޚާނާއި ޕަލަކް މުއްޗަލް އެވެ. މި ލަވަ ޝޫޓް ކޮށްފައިވަނީ ފަރުބަދަ މަތީގެ ވަރަށް ހިތްގައިމު، އެހާމެ ރީތި ލޮކޭޝަން ތަކުގައިއެވެ.
އެޕްރީލް 21 ގައި ސިނަމާތަކަށް ގެންނަން ތާވަލުކޮށްފައިވާ "ކިސީ ކާ ބާއީ، ކިސީ ކީ ޖާން" އަކީ ފަރުހާދު ސަމްޖީ ޑައިރެކްޓުކުރާ މި ފިލްމުގައި ސަލްމާނާއި ޕޫޖާގެ އިތުރުން ހިމެނޭ އިތުރު ތަރިންގެ ތެރޭގައި ޖޭސީ ގިލް، ރާގަވް ޖުޔަލް، ސިދާތު ނިގަމް އަދި ބިގްބޮސް ސީޒަން 13 އިން ވިދާލި ޝެހެނާޒް ގިލްވެސް ހިމެނެއެވެ.
