ކައިވެނި ސަލާމަތް ކުރެވޭތޯ ދެމީހުންވެސް ވަރަށް މަސައްކަތް ކުރި ކަމަށާއ އެކަމަކު އެކަން ނާކާމިޔާބުވީ ކަމަށް ބޮލީވުޑްގެ ކުރީގެ އައިޓަމް ގާލް މަލައިކާ އަރޯރާ ބުނެފިއެވެ.
މަލައިކާ އާއި ސްޕްސްޓާރު ސަލްމާން ހާންގެ ކޮއްކޮ އަރްބާޒް ހާން ގެ 19 އަަހަރުވީ ކަިއވެނި ރޫޅާލީ 2017 ވަނަ އަހަރުގައިއެވެ. އެދެމީހުންގެ ފިރިހެން ދަރިއެއް ވެސް ހުރެއެވެ. އެއީ މިހާރު އުމުރުން 20 އަހަރުގެ އަރްހާން ހާންއެވެ.
ދެމީހުން ވަކިވީ ޖެހުނު މައްސަލަތަށް ހައްލު ނުކުރެވި، ދެމަފިރިންގެ ގޮތުގައި އެކަކު އަނެއްކަކަށް ބަރްދާސްތު ނުކުރެވޭ ވަރު ވުމުން ކަމަށް އޭނާ ބުނެއެވެ. އަދި ދިމާވި ގިނަ ކަންކަމުގެ ސަބަބުން އެކުގައި ނޫޅެވުނީ ކަމަށް ވެއެވެ.
View this post on Instagram
އަރްބާޒް އާއި މަލައިކާ ދިމާވީ ކޮފީ އިޝްތިހާރެއް ކުޅުމުގެ ތެރެއިންނެވެ. އަދި މަލައިކާ އަށް އަރުބާޒް ކަމުގޮސްގެން ކައިވެންޏަށް އެހީވެސް ހުދު އޭނާ ކަމަށް މަލައިކާ ވަނީ ބުނެފައިއެވެ.
"އަހަރެން ޕްރޮޕޯސް ކުރީ. އަހަރެން ބުނީ ބޭނުމޭ މެރީ ކުރަން ރެޑީހޭ. އަރްބާޒް އަކީ އަބަދުވެސް ސްވީޓް މީހެއް. އޭނާ ބުނީ ތަނަކާ ވަގުތާ ބުނާށޭ. އަހަރުން ދެމީހުންވެސް ތިބީ އޭރުގައި އެކެއް އަނެއްކެއްގެ ލޯބީގައި."
– މަލައިކާ
މަލައިކާ ބުނީ އަރްބާޒް އަކީ ނަމުނާ މީހެއް ކަމަށާއި ނަމަވެސް ކައިވެނި ސަލާމަތް ނުކުރެވުނީ ކަމަށެވެ. އެކަމަކު ދިރިއުޅުމުގައި ނެރި ބޮޑެތި ޑިސިޝަން ތަކާއި މެދުގައި އެއްވެސް ވަރަކަށް ރިގްރެޓް ނުކުރާ ކަމަށް އޭނާ ވަނީ ބުނެފައިއެވެ.
ނަމަވެސް ކުރި ހުރިހާ މަސައްކަތެއް ނާކާމިޔބުވެ އެމީޙުންގެ ކައިވެނި ނިމުކަށް އައި ކަމުގައިވިޔަސް ދަރިފުޅުގެ ކަންކަމުގައި އަބަދުވެސް ދެމީހުން އެކުގައި ތިބޭ ކަމަށް އޭނާ ވަނީ ބުނެފައިއެވެ. އަދި ހަމަ އެހެންމެ ދެމީހުންވެސް މިހާރު މޫވްއޮން ކޮށްފައި ވާކަމަށާއި ހަޔާތަށް އައު ބައިވެރިން އައިސްފައިވާކަމަށް މަލައިކާ ވަނީ ބުނެފައިއެވެ.
މަލައިކާ އާއި އަރްބާޒްގެ ގުޅުން ނިމުމަކަށް ގެނައުމުގެ އެންމެ ބޮޑު އެއް މެދުވަރިއަކީ މަލައިކާގެ މިހާރުގެ ލޯބިވެރިޔާ އަރުޖުން ކަޕޫރު ކަމަށްވެއެވެ. އުމުރުން މާ ހަގު އެކްޓަރަކާއި މަލައިކާ ލޯބީގެ ގޮތުން ގުޅިގެން އުޅޭތީ އެކަމަށް ގިނަބަޔަކު އަންނަނީ ފާޑު ކިޔަމުންނެވެ.
View this post on Instagram
ހަމަ އެފަދައިން އަރްބާޒްގެ ލޯބިވެރިއަކުވެސް އެބަހުއްޓެވެ. އަރްބާޒްވެސް ލޯބީގެ ގޮތުން ގުޅިގެން އުޅެނީ އޭނާ އަށް ވުރެ 22 އަހަރު ހަގު އިޓަލީގެ އެކްޓްރެސް/ މޮޑެލް ޖޯޖިއާ އަންޑިރާނީއާއެވެ.
