އުމުރުން މާ ހަގު އެކްޓަރަކާއި ލޯބީގެ ގޮތުން ގުޅިގެން އުޅޭ މަލައިކާ އަރޯރާ އިނީ އެމީހުންގެ އަލަތު ދަރިފުޅަށް ބަލިވެ ކަމަށް ބުނެ މުނިފޫހި ފިލުވާ މަޖައްލާއެއް ކަމަށްވާ "ޕިންކް ވިލާ" އިން ގެނެސް ދިން ޚަބަރަކަށް މަލައިކާ ރައްދު ދީފިއެވެ.
ވަރަށް ބޮޑަށް ނުރުހުންވެ ހުރެ އޭނާގެ އިންސްޓަގްރާމް ސްޓޯރީގައި މަލައިކާ ވަނީ އެ ލިޔުނު ނޫސްވެރިޔާ ނިކިތާ ދަލްވީ އަށް ވަރަށް ބޮޑަށް އެއްޗެހި ކިޔާ، އިންޒާރުވެސް ދީފައެވެ. އަދި އަސާސެއް ހަގީގަތެއް ނެތް ވާހަކަތަށް ނުފެތުރުމަށް އޭނާ ވަނި ބުނެފައިއެވެ.
އޭނާ ބުނީ އެ ނޫސްވެރިޔާ އަކީ ތަކުރާރުކޮށް އެފަދަ ތާކުންތާކު ނުޖެހޭ ހަގީގަތާ ހިލާފު ވާހަކަައް ފަތުރާ ނޫސްވެރިއެއް ކަމަށެވެ. އަދި އޭނާގެ ޒާތީ ދިރިއުޅުމާ ނުބެހުމަށް މަލައިކާ އިންޒާރު ވެސް ދީފައިވެއެވެ.
View this post on Instagram
49 އަހަރުގެ ކުރީގެ ސުޕަމޮޑެލް އާއި އަރުޖުން، 37، އާއި ރައްޓެހިވެގެން އުޅޭތާ މިހާރު ހަތަރު އަހަރެއްހާ ދުވަސް ވަނީ ވެފައެވެ. އަރުޖުން އާއި ރައްޓެހި ވުމުގެ ކުރިން އޭނާ އުޅުނީ ސަލްމާންގެ ކޮއްކޮ އަރްބާޒް އާއި ކައިވެނި ކޮށްގެންނެވެ. އަދި އެދެމީހުންގެ 20 އަހަރުގެ ދަރިއެއްވެސް ހުރެއެވެ.
އައިޓަމް ސޯންގް ތަކުން މަގުބޫލުކަން ހޯދި މަލައިކާ ވަނީ އެތައް ދުވަހެއް ފަހުން އައިޓަމް ސޯންގެއް ކުޅެފައެވެ. މަލައިކާގެ އާ އައިޓަމް ލަވަ އަކީ މި މަހުގެ 2 ވަނަ ދުވަހު ރިލީޒްކުރި އަޔޫޝްމަން ކްރާނާގެ ފިލްމުގައި ހިމެނޭ "އާޕް ޖެއިސާ ކޮއީ" އެވެ.
އޭނަގެ ރިއަލިޓީ ޝޯއެއް ވަނީ މި މަހުގެ 5 ގައި ޑިޒްނީ ޕްލަސް ހޮޓްސްޓާ އިން "މޫވިން އިން ވިތު މަލައިކާ އަރޯރާ" ގެ ނަމުގައި ޕްރީމިއާކޮށްފަ އެވެ.
