ބޮލީވުޑްގެ ކާމިޔާބު ބަތަލާ ކާޖޮލް އޭނާ އެންމެ ޒުވާން އުމުރުގައި ހިތްދީގެން އުޅުނީ ނުވަތަ 'ކްރަޝް' އަކީ ހުނަރުވެރި އެކްޓަރު އަކްޝޭ ކުމާރަށް ކަމަށް ކަރަން ޖޯހަރު ބުނެފިއެވެ.
ކަރަން މިކަން ހާމަކުރީ އޭނާ ޖަޖްކަންކުރާ "ޖަލަކް ދިކް ލާޖާ"ގެ މިހާރު ދައްކާ ސީޒަންގެ އެޕިސޯޑެއްގައި މިފަހުން ކާޖޮލް ބައިވެރިވެ ކުރިއަށް ގެންދިއަ ކުއިޒްއެއްގައިއެވެ. ކާޖޮލް މިޝޯވ ގައި ބައިވެރިވީ އޭނާގެ ކުރިއަށް އޮތް ފިލްްމް ގެ ޕްރޮމޯޝަނަށެވެ.
މި ޝޯވގައި ކަރަން ބުނެފައިވަނީ ކާޖޮލް ޒުވާން އިރުގައި އެންމެ ހިތް ކިޔައިގެން އުޅުނީ އަކްޝޭ ކުމާރަށް ކަމަށެވެ. އަދި އެއީ އޭނާގެ ޅައިރުގެ 'ކްރަޝް' ކަމަށެވެ. ކާޖޮލް އާއި އަކްޝޭ އަކީ 90ގެ އަހަރުތަކުގައި ބޮލީވުޑްގައި އެންމެ ވިދާލި ތަރިންގެ ތެރޭގައި ހިމެނޭ ދެ ތަރިންނެވެ. ނަމަވެސް އެމީހުން އެކުގައި ކުޅެފައިވަނީ 1994ގައި ރިލީޒްކުރި "ޔޭ ދިއްލަގީ" އެކަންޏެވެ.
މީގެ ކުރިންވެސް ސެލްބަރިޓީން އެމީހުން އެންމެ ގަޔާވާ މީހުންނަކީ ކޮބައިކަން ވަނީ މީޑިއާގައި ހާމަ ކޮށްފައިއެވެ. އެގޮތުން އަޔޫޝްމާން ކުރާނާ ބުނެފައިވާ ގޮތުގައި އޭނާގެ ފުރަތަމަ "ކްރަޝް" އަކީ ޕްރީތީ ޒިންޓާ އެވެ. ކާރްތިކް އާރްޔަން އާއި ދިލްޖީތު ދޮސާންޖްގެ ކްރަޝް އަކީ ކަރީނާ ކަޕޫރެވެ.
View this post on Instagram
ކާޖޮލް ގެ ކުރިއަށް އޮތް ފިލްމް އަކީ ޑައިރެކްޓަރު ރެވަތީގެ "ސަލާމް ވެންކީ" އެވެ. މި ފިލްމް ސިނަމާތަކަށް ގެންނަށް ތާވަލް ކޮށްފައިވަނީ އަންނަ މަހުގެ 9 ވަނަ ދުވަހުގައިއެވެ.
މިހާރު ޕޯސްޓަރުވެސް ދައްކައިލައިފައި ވާ މި ފިލްމްގައި ކިޔައިދެނީ މަޔަކާއި ނުކުޅެދޭ ފިރިހެން ދަރިއެއްގެ ވާހަކަ ކިޔައިދޭނެ މި ފިލްމު ގައި ކާޖޮލް އާއި އެކުގައި ފެނިގެންދާނީ ރަޖީވް ކަންޑެލްވާލާ އާއި އަހާނާ ކުމްރާ، ވިޝާލް ޖެތްވާ އަދި ރާހުލް ބޯސްއެވެ.
