2018 ވަނަ އަހަރުގެ ފިލްމް "ތަގްސް އޮފް ސިންދުސްތާން" އަށް އަށް ފަހު ބޮލީވުޑްގެ ސްޕަސްޓާރު އާމިރު ހާން އެބުރި އައުން ފާހަގަ ކުރި ފިލްމް "ލާލް ސިންގް ޗައްޑާ" ވެގެން ދިއައީ އުންމީދު ކުރި ގޮތާއޮ އިދިކޮޅަށެވެ.
ހަތަރު އަހަރުގެ މެދު ކަނޑުމަކަށް ފަހު ރިލިޒް ކުރި އާމިރުގެ ފިލްމް ބަލަން ވަންނާނެ މީހަކު ނުވިއެވެ. ފިލްމް އަށް ލިބުނު ފިނި ތަރުހީބާއި އެކުގައި އާމިރުގެ ހިތް ވަނީ 'ފަޅައިގެން' ގޮސްފައިއެވެ.
މި ފިލްމް ގައި އާމިރު އާއި އެކުގައި ފެނިގެން ދިއައި މަޝްހޫރު ބަތަލާ ކަރީނާ ކަޕުރެވެ. އަދި ހަމަ މިއާއި އެކުގައި މި ފިލްމް އަކީ ސައުތުގެ މަޝްހޫރު އެކްޓަރެއް ކަމުގައިވާ ޗައިތަނިޔާ އަކިނެނީ ބޮލީވުޑް އަށް ތައާރަފް ވި ފިލްމްވެސް މެއެވެ.
View this post on Instagram
"ލާލް ސިންގް ޗައްޑާ" ފްލޮޕްވުމުން އޭނާއަށް ވަރަށް ފުން އަސަރުތަކެއް ކޮށްފައިވާ ކަމަށް އިންޑިއާގެ ނޫސްތަކުން ބުނެފައި ވެއެވެ. އަދި އޭގެ ފަހުން އޭނާ އުޅެނީ ވަރަށް ފިލަފިލައިގެންނެވެ.
ފިލްމް ކުޅުމުން ބްރޭކެއް ނަގަން ވާހަކަދައްކަމުން އާމިރު ބުނެފައިވަނީ ކުރިއަށް އޮތް ދޮޅު އަހަރު ތެރޭގައި އޭނާގެ ފިލްމް އެއް ނުފޭނަނެ ކަމަށެވެ. އަދި އިންޑަސްޓްރީ އިން ބްރޭކެއް ނަގައިގެން އުޅޭ ކަމަށާއި މި ބްރޭކް ނަގާ ސަބަބު އެކަކަށްވުރެ ގިނަ ކަމަށް އޭނާ ވަނީ ބުނެފައިއެވެ.
އަދި މި ބްރޭކް ނަގާ އެންމެ ބޮޑު ސަބަބަކީ އާއިލާ އާއި އެކުގައި ވަގުތު ހޭދަކުރުން ކަމަށާއި އާއިލާ އަށް ވަގުތު ނުދީ ވަރަށް ގިނަ ދުވަސްތަކަކު މަސަށްކަތަށް ފޯކސް ކޮސްގެން އުޅޭތާ ވަރަށް ގިނަ ދުވަސް ވެފައި ވާކަމަށް ވަނީ ބުނެފައިއެވެ.
އާމިރު ބުނި ގޮތުގައި މި ބްރޭކަކީ މީގެ 35 އަހަރު ކުރިން އޭނާ ފިލްމު ކުޅެން ފެށީއްސުރެ ނަގާ ފުރަތަމަ ބްރޭކެވެ. މި ފާއިތުވީ 35 އަހަރު ތެރޭގައި އޭނާގެ ފޯކަސް ފިލްމީ މަސައްކަތަށް ހުސް ވީވީނުން ގޮސް އާއިލާއަށް ވަރަށް ބޮޑަށް އިހުމާލުވެވިފައިވާ ކަމަށް އާމިރު ގަބޫލު ކުރެ އެވެ.
މަގުބޫލު އެތަށް ފިލްްމ އެއް ކުޅެފައިވާ އާމިރު ގެ ފިލްމް އެއް ދެން އެންމެ އަވަހަށްވެސް ފެންނާނީ 2 ނުވަތަ 3 އަހަރު ފަހުން ނެވެ. މީ އޭނާގެ ސަޕޯޓަރުންނަށް ވަރަށްވެސް ހިތާމަވެރި ހަބަރެކެވެ.
