ބޮލީވުޑްގެ ދެބެން ކަމުގައިވާ މަލައިކާ އަރޯރާ އާއި އޭނާގެ ކޮއްކޮ އަމްރިތާ އަރޯރާގެ ދިރިއުޅުން ދައްކުވައިދޭ ސީރީޒެއް ގެނެސްދޭން ތައްޔާރުވަމުން އަންނަ ކަމަށް ރިޕޯޓްތައް ބުނެފިއެވެ.
"އަރޯރާ ސިސްޓާ"ގެ ނަމުން ގެނެސްދޭން ތައްޔާރު ވަމުން އަންނަ މި ސީރީޒްގައި ދެބޭންގެ ޕޮޝް ލައިފްސްޓައިލް ދައްކުވައިދޭނެ ކަމަށް ވަނީ ބުނެފައެވެ.
މި ސީރީޒް އާއި ބެހޭގޮތުން މާގިނަ މައުލޫމާތެއް އަދި ހާމަކޮށްފައި އެއް ނުވެއެވެ. ނަމަވެސް މި ސީރީޒަކީ ނެޓްފްލިކްސް އިން ގެނެސްދިނުމަށް ތައްޔާރު ކުރަމުން އަންނަ ސީރީޒެކެވެ.
މި ދެތަރިންނަކީ ވެސް މީގެ ކުރިން ބޮލީވުޑްގެ ބައެއް ފިލްމު ތަކުން ވެސް ފެނިގެންގޮސްފައިވާ ދެތަރިންނެވެ. ނަމަވެސް ދެތަރިންނަށް ވެސް ބޮލީވުޑްގައި މާބޮޑު ކާމިޔާބެއް ހޯދިފައެއް ނުވެއެވެ. ނަމަވެސް މަލައިކާ އަންނަނީ ބައެއް ޝޯ ތަކުގައި ޖަޖްކަން ކުރަމުންނެވެ.
ނަމަވެސް މަލައިކާ އާއި ހިލާފަށް އަމްރިތާ ފިލްމު ކުޅުން ހުއްޓާލިފަހުން އެއްވެސް ވަރަކަށް ފެނިގެންނެއް ނުދެއެވެ. އޭނާ އުޅެނީ ފިލްމީ ދާއިރާ އާއި ވަރަށް ދުރުގައެވެ.
ކޮމެންޓު ފޮނުވާ