މިއަދު ބޭއްވުނު ތ. ގާދިއްފުށި އަދި މ. ދިއްގަރު ލޯކަލް ކައުންސިލްގެ ބައި-އިލެކްޝަން އެމްޑީޕީން ކާމިޔާބު ކޮށްފިއެވެ.
މިއަދު ބޭއްވުނު މި ބައި އިލެކްޝަންގައި ތ. ގާދިއްފުށީ ކައުންސިލްގެ ގޮނޑި ކާމިޔާބު ކޮށްފައިވަނީ އެމްޑީޕީގެ ޓިކެޓްގައި ވާދަކުރި ޒުލައިޚާ އަހުމަދެވެ. އޭނާއަށް 210 ވޯޓު ލިބުނުއިރު އޭނާއި އެންމެ ގާތުން ވާދަކުރި ހައްވާ އަބުދުލް ހާދީއަށް ލިބިފައިވަނީ 201 ވޯޓެވެ. މި ކައުންސިލްގެ ގޮނޑިއަށް އެމްއާރުގެ ކެނޑިޑޭޓަކުވެސް ވާދަ ކޮށްފައި ވެއެވެ. އެމްއާރުއެމްގެ ކެނޑިޑޭޓަށް ލިބިފައިވަނީ އެންމެ 4 ވޯޓެވެ.
މިއަދު ދެން ބޭއްވުނު މ. ދިއްގަރު ކަންސިލުން ހުސްވެފައިވާ ގޮނޑީގެ ބައި އިލެކްޝަން އެމްޑީޕީން ވާދަކުރި ކެނޑިޑޭޓް އަބުދުﷲ އާރިފް ކާމިޔާބު ކޮށްފައިވަނީ 375 ވޯޓުންނެވެ. އޭނާއި ވާދަކުރި ޕީޕިއެމްގެ އަބުދުލް ހަންނާން އަހުމަދަށް ލިބުނޫ 325 ވޯޓެވެ. މި ގޮޑިއަށް ވާދަ ކޮށްފައިވަނީ އެމްޑީޕީއާއި ޕީޕީއެމްއިން އެކަންޏެވެ.
މިއަދު ބޭދިއްގަރު ކައުންސިލް ގޮޑިއެއް ހުސްވެފައިވަނީ އެކައުންސިލްގައި މިނިވަން މެމްބަރެއްގެ ގޮތުގައި ތަމްސީލްކުރި މެމްބަރު މަޤާމުން އިސްތިއުފާ ދެއްވުމުންނެވެ. ވެރިކުރާ މައި ޕާޓީ އެމްޑީޕީއަށް މެޖޯރިޓީ އޮންނަ ދިއްގަރު ކައުންސިލްގައި ތިއްބަވަނީ އެމްޑީޕީ 3 މެމްބަރަކާއި، އިދިކޮޅު ޕީޕީއެމްގެ މެމްބަރެކެވެ.
ބައި އިލެކްޝަންތައް ބޭއްވުމަށް އިލެކްޝަންސް ކޮމިޝަނަށް ލިބިފައިވަނީ ޖުމުލަ 1.5 މިލިއަން ރުފިޔާއެވެ. އޭގެ ތެރެއިން 1.4 މިލިއަން ރުފިޔާ އަންހެނުންގެ ތަރައްގީއަށް މަސައްކަތްކުރާ ކޮމެޓީގެ ބައި އިލެކްޝަންތަކަށް ހަރަދުކޮށްފައިވާ ކަމަށް އެ ކޮމިޝަނުން ވަނީ ބުނެފައެވެ.
