ހއ.ކެލާގައި ފަތުރުވެރިކަން ތަރައްޤީކުރުމަށް ކަނޑައަޅާފައިވާ ސަރަހައްދުގައި ޓޫރިސްޓް ހޮޓަލެއް ތަރައްޤީކޮށް ހިންގާނެ ފަރާތެއް ހޯދުމަށް ބީލަމަށް ހުޅުވާލައިފިއެވެ.
ކެލާގައި ފަތުރުވެރިކަން ތަރައްޤީކުރުމަށް ކަނޑައަޅާފައިވާ 864،414 (އައްލައްކަ ފަސްދޮޅަސް ހަތަރުހާސް ހަތަރު ސަތޭކަ ސާދަ) އަކަފޫޓުގެ ބިމާ އަދި އެބިމާގުޅުވައިގެން ފަތުރުވެރިކަމަށް ކަނޑައަޅާފައިވާ މޫދުގެ ސަރަޙައްދުގައި ޓޫރިސްޓް ހޮޓަލެއް ތަރައްޤީކޮށް ހިންގާނެ ފަރާތެއް ހޯދުމަށް ބީލަމަށް ހުޅުވާލުމަށް ހުޅުވާލާފައިވާއިރު، ޝައުގުވެރިވާ ފަރާތްތަކުން މިމަހުގެ 26 ވާ ބުރާސްފަތި ދުވަހުގެ 13:00 ގައި ވަރޗުއަލްކޮށް (ޒޫމް މެދުވެރިކޮށް) ބާއްވާ މަޢުލޫމާތު ސާފުކުރުމުގެ ބައްދަލުވުމުގައި ބައިވެރިވުމަށް ޓުރިޒަމް މިނިސްޓްރީގެވަނީ ހުޅުވާލާފައެވެ. އަދި އެމިނިސްޓްރީއަށް ޙާޒިރުވެ މިމަހުގެ 17 ވާ ބުރާސްފަތިދުވަހުގެ 10:00 އަށް ބީލަން ހުށައެޅުން އޮތީ ހުޅުވާލާފައެވެ.
Ready to invest in Maldives? A great opportunity is coming your way.Details on 15th November 2020#Tourism #Maldives #Investment #InvestMaldives pic.twitter.com/YwLIFx3Fse
— Ministry of Tourism (@MoTmv) November 10, 2020
ޓޫރިޒަމް މިނިސްޓްރީން ބުނީ މި ޕްރޮޖެކްޓްގެ ބީލަމުގައި ރާއްޖެއާއި، ރާއްޖެއިން ބޭރު އިންވެސްޓަރުންނަށްވެސް ބީލަން ހުށަހެޅުމުގެ ފުރުސަތު އެބައޮތް ކަމަށެވެ. އެމިނިސްޓްރީން ބުނީ ބީލަން ފޮތް ގަތުމަށް ހުށަހަޅަން ޖެހިވަޑައިގަންނަވާ އެޕްލިކޭޝަން ފޯމް މި މިނިސްޓްރީގެ ވެބްސައިޓް (www.tourism.gov.mv) އިން ލިބެން ހުންނާނެކަމަށެވެ.
ކޮމެންޓު ފޮނުވާ