އުމުރުގެ ފަރަގު ބޮޑުކަމުން މަލާމާތް ރައްދުވާ ދެ ތަރިން ކަމުގައިވާ މަލައިކާ އަރޯރާ އާއި އަރުޖުން ކަޕޫރު ޗުއްޓީއަކަށް ފުރައިފިއެވެ.
އެމީހުން ރޭގެ ވަގުތެއްގައި މުމްބައިގެ އެއާޕޯޓުން ވަނީ ފެނިގެން ގޮސްފައެވެ. ދާދިފަހުން ތުރުކީގައިވެސް މަލައިކާ ވަނީ އޭނާގެ ރަހުމަތެރިންނާއި އެކުގައި ޗުއްޓީއެއް ހޭދަކޮށްފައެވެ.
ރާއްޖޭގައި ވަރަށް ގިނައިން ޗުއްޓީ ހޭދަކުރާ މިދެތަރިންގެ މިފަހަރުގެ މަންޒިލެއް އަދި ނޭނގެއެވެ. ފަހަރުގައި ރާއްޖެއަށް ވެސް އަތުވެދާނެއެވެ.
މަލައިކާ އާއި އަރުޖުން އެމީހުން ލޯބީގެ ގޮތުން ގުޅިގެން އުޅޭކަން އިއުލާން ކުރީ 2019 ވަނަ އަހަރުއެވެ. ރިޕޯޓްތައް ބުނާ ގޮތުގަިއ މިދެމީހުން ވަރަށް އަވަހަށް ކައިވެނި ކުރާނެއެވެ.
