ބޮލީވުޑްގައި އެންމެ ނަގާ ކިޔާ މަޝްހޫރު ތަރިންގެ ނަމާއި ގުޅުވައިގެން ތަފާތު ތަންތަނާއި، މަގުތަކާއި، ކޯރުތަކާއި، މިހެންގޮސް ވަރަށް ގިނަ އެއްޗެއްސަށް ނަންކިޔާފައި އެބަހުއްޓެވެ.
އެގޮތުން ބޮލީވުޑްގެ މެދުއުޑުގައި މިހާރު ފިޔަޖަމަހުން އަންނަ 4 ތަރިންގެ ނަމުގައި ކާއެއްޗެހީގެ ނަން ދީފައި އެބަހުއްޓެވެ. މި ހަތަރު ތަރިންނަކީ ކަރީނާ ކަޕޫރާއި ދީޕިކާ ޕަޑުކޯން އަދި ސަންޖޭ ދަތުގެ އިތުރުން ހުމާ ގުރައިޝީއެވެ.
އެގޮތުން ދާދިފަހުން ކަރީނާ ކަލިމްޕޮންގްގައި ޝޫޓިންގައި އުޅުން އިރު ހިތުން ނުފިލާފަދަ މީރު ޓެރަމިސޫ އެއް ވަނީ ކައިފައެވެ. ޓެރަމިސޫ އާކީ ފޮނި ކާއެއްޗެކެވެ. ޑެޒާޓްގެ ގޮތުގައި ބޭނުން ކުރާ މި ފޮނިބާވަތް ކަރީނާއަށް ވަނީ ވަރަށް ކަމު ގޮސްފައެވެ. އެހެން ކަމުން މި ޓެރަމިސޫ ހެދި ރެސްޓޯރެންޓުން ވަނީ އެއަށް "ކަރީނާމިސޫ" ގެ ނަމުން ނަންދީފައިއެވެ.
View this post on Instagram
ދީޕިކާ ޕަޑުކޯންގެ ނަމުން ނަން ދީފައިވާ ޑޯސާއެއްވެސް އިންޑިއާގެ ރެސްޓޯރެންޓެއްގައި އަންނަނީ ވިއްކަމުންނެވެ. ދީޕިކާގެ ފިރިމީހާ އެކްޓަރ ރަންވީރު ސިންގް ވަނީ އެ ރެސްޓޯރެންޓް މެނޫގައި ވާ އެނަން ސޯޝަލް މީޑިއާގައި ހިއްސާ ކޮށްފައެވެ.
ސަންޖޫ ބާބާ ޗިކެންގެ ނަމުގައި ރެސްޓޯރެންޓަކުން އަންނަނީ ފިހުނު ކުކުޅުވެސް އިންޑިއާގެ ނޫރު މުހައްމަދީ ހޮޓެލްގައި ވިއްކަމުންނެވެ. "މުންނާ ބާއީ އެމްބީބީއެސް" ގެ ކާމިޔާބާއެކުގައި އެ ފިލްމުގައި ސަންޖޭ ދަތުގެ ކެރެކްޓާ ވަނީ ވަރަށް ގިނަ ބަޔަކަށް ކަމު ގޮސްފައެވެ. އެއާއެކު ތަފާތު ކާއެއްޗިއްސާ ގެރި ބަކަރިއަށް ވެސް ސަންޖޫގެ ނަން އޭރުގައި ވަނީ ދީފައެވެ.
ހުމާ ގުރައިޝީގެ ނަމުން ނަން ދީފައިވާ ސެލެޑްއެއް ވެސް އިންޑިއާގެ ރެސްޓޯރެންޓަކުން އަންނަނީ ވިއްކަމުންނެވެ. މި ސެލެޑަށް ދީފައިވާ ނަމަކީ "ހުމާ ގުރައިޝީ އެސޯޓެޑް ވެޖީ" އެވެ.
