ޖަމިއްޔަތުއް ސަލަފްގެ ފަރާތުން ގދ. ފަރެސްމާތޮޑާގައި މިރޭ ބޭއްވުމަށް ހަމަޖާއްސާފައި އޮތް "އަލީ ރަމީޒާއެކު" އިވެންޓް ބޭއްވުމަށް އެ ރަށު ސުކޫލު ހޯލު ދޫކުރެވެން ނެތް ކަމަށް އަންގައި އެ އިވެންޓަށް ހުރަސް އަޅައިފިއެވެ.
މި އިވެންޓް ބޭއްވުމުގެ އިންތިޒާމުތައް ހަމަޖައްސަމުން ގެންދިޔައީ ފަރެސްމާތޮޑާ ކައުންސިލާއި އެ ރަށުގެ އަންހެނުން ކުރިއަރާ ކޮމެޓީ ގުޅިގެންނެވެ. "އަލީ ރަމީޒާއެކު" އިވެންޓް ބޭއްވުމަށް އެ ރަށު ސުކޫލު ހޯލު ދޫކުރެވެން ނެތް ކަމަށް އަންގާ އެ އިވެންޓަށް ހުރަސް އެޅުމާއި ގުޅިގެން ކައުންސިލާއި ޑަބްލިއުޑީސީ އިން ވަނީ ކަންބޮޑުވުން ފާޅުކޮށްފައެވެ.
ސަލަފު ޖަމިއްޔާއިން ކޮންމެ ހަފްތާއަކު ރާއްޖޭގެ އެކި ސަރަހައްދުތަކުގައި ދަރުސްތަކާއި ދީނީ އިވެންޓްތައް ކުރިއަށް ގެންދެއެވެ. މައުލޫމާތު ލިބިފައިވާ ގޮތުގައި ކުއްލި ގޮތަކަށް ސްކޫލު ހޯލް ދެވެން ނެތްކަމަށް އެންގީ އެއީ ސުކޫލު ކަލަންޑަރުގައި ނެތް އިވެންޓެއް ކަމަށް ބުނެއެވެ. މިކަމާ ގުޅިގެން އެރަށު ކައުންސިލްގެ ބަހެއް ލިބިފައި ނުވާއިރު، ސަލަފުގެ ރައީސް ޝައިޚު އިބްރާހިމްވެސް ވަނީ އެ އިވެންޓު ބޭއްވުމަށް ހުރަސް އެޅުވާ ގުޅިގެން ކަންބޮޑުވުން ފާޅުކުރައްވާފައެވެ.
ޝައިހް އިބްރާހިމް ވިދާޅުވީ ލާމަރުކަޒީ ލޭބަލްގައި ހިންގަމުންދާ އެމްޑީޕީގެ ކޯލިޝަން ސަރުކާރުގެ ސިސްޓަމް ގެތެރެއިން ސަލަފުގެ ފަރާތުން ގދ. ފަރެސްމާތޮޑާ ކައުންސިލާ ގުޅިގެން ބޭއްވުމަށް ހަމަޖެހިފައިވާ ޕްރޮގްރާމް ބޭއްވިޔަ ނުދީ ހުއްޓުވާފައިވާ ކަމަށެވެ.
#ލާމަރުކަޒީ ލޭބަލްގައި ހިންގަމުންދާ އެމްޑީޕީގެ ކޯލިޝަން ސަރުކާރުގެ ސިސްޓަމް ގެތެރެއިން@JAMIYYATHSALAF
ގެ ފަރާތުން ގދ.ފަރެސްމާތޮޑާ ކައުންސިލާ ގުޅިގެން ބޭއްވުމަށް ހަމަޖެހިފައިވާ ޕްރޮގްރާމް ބޭއްވިޔަ ނުދީ ހުއްޓުވައިފި! pic.twitter.com/lQlCkgo8af— Abdullah bin janaab (@binjanaab) June 10, 2022
"އަލީ ރަމީޒާއެކު" ސިލްސިލާ ޕްރަގްރާމްތަކަކީ އޭނާއަށް ހިދާޔަތުގެ އަލިކަން ލިބުނު ގޮތާއި ކުރީން އޮތް ބޮޑު މަޝްހޫރު ކަމުގައި ދިރިއުޅުން ހޭދަކުރި ގޮތް އާންމުންނާއި ހިއްސާކުރުމަށް ބާއްވާ ޕްރަގްރާމްތަކެކެވެ.
ކޮމެންޓު ފޮނުވާ