އެމެރިކާގެ މަޝްހޫރު ލަވަކިޔުންތެރިއެއްގެ އިތުރުން ކާމިޔާބު އެކްޓްރެސް ޖެނިފާ ލޮޕޭޒް (ޖޭލޯ) އަކީ އަބަދުވެސް އޭނާގެ ރީތިކަމާއި ލޫޅާފަތި ކަމަށް މީޑިއާއިން ތައުރީފް އޮހޭ ތަރިއެކެވެ.
ޖޭލޯގެ އުމުރުން 52އަށް އަޅާފައި ވާއިރުވެސް އޭނާގެ މޫނުމަތިން އަދިވެސް ހީވަނީ ޒުވާނެއް ހެނެވެ. އެހާވެސް ހަންގަނޑު އޮމާން ވެފައި ޒުވާން ކަމަށް ދައްކައެވެ.
މިހެން ބުނުމުން ފާޑުކިޔުންތެރިންގެ އެންމެ ވަރުގަދަ ރައްދަކީ، މޭކަޕް ކޮށްފައި ހުންނައިރު އެންމެންވެސް ޒުވާންކަމަށް ދައްކާނެ ކަމަށެވެ.
އެކަމަކު، ޖޭލޯއަކީ ދޭތެރެދޭތެރެއިން މޭކަޕް ނުކޮށްހުރެ ނަގާ ސެލްފީ ވެސް މީސްމީޑިއާގައި ހިއްސާކުރަމުން އަންނަ ތަރިއެކެވެ. އޭގެތެރެއިން މި ފޮޓޯއަކީ ވެސް ނިދާހޭލި ގޮތަށް، އެއްވެސް މޭކަޕަކާ ނުލައި އޭނާގެ ޤުދުރަތީ ރީތިކަން ހާމަވެގެންދާ ނިކަން ހިތްގައިމު ސެލްފީއެކެވެ.
ޖޭލޯގެ ހުނަރާ އެއްވަރަށް އޭނާގެ ރީތިކަން އަދިއަދަށް ވެސް ފެންނަން ހުރުމަކީ، އޭނާގެ ތަރި ފަނޑުވުމެއްނެތި ފިޔަޖަހަމުން ދިޔުމުގެ މައިގަނޑު ސަބަބުކަމަށް ބެލެވިދާނެއެވެ.
އެންމެ ފަހުން އޭނާ ފެނިގެން ދިޔަ ފިލްމަކީ މިއަހަރު ފެބްރުވަރީ މަހު ރިލީޒް ކުރި "މެރީ މީ" އެވެ.
ކޮމެންޓު ފޮނުވާ