މަޝްހޫރު ލަވަކިއުންތެރިޔާ ބްރިޓްނީ ސްޕީއަސް ބަނޑުބޮޑުކަން އިއުލާންކޮށްފިއެވެ.
40 އަހަރުގެެ ލަވަކިއުންތެރިޔާ މިކަން އިއުލާން ކުރީ އިންސްޓަގްރާމްގައި ކުރި ޕޯސްޓެއްގައެވެ. އޭނާ ބުނެފައިވަނީ ބަނޑުބޮޑު ވުމަކީ ތަފާތު އިހުސާސެއް ކަަމަށާއި އެއީ ލިބުނު ވަރަށް ބޮޑު އުފަލެއް ކަމަށެވެ. އަދި މިފަހަރު އުޅޭނީ ވަރަށް ބޮޑަށް ބަލައިގެން ކަމަށްވެސް އޭނާ ބުނެފައިވެއެވެ.
2017 ވަނަ އަހަރުން ފެށިގެން މޮޑެލް އަދި ފިޓްނެސް ކޯޗް، ސޭމް އަސްގަރީ އާއި ބްރިޓްނީ އަންނަނީ ޑޭޓްކުރަމުންނެވެ. މިދިއަ އަހަރު 28 އަހަރުގެ ސޭމް އާއި ބްރިޓްނީ ވަނީ އެންގޭޖްވެސް ކޮށްފައެވެ. އަދި އޭރު ވަރަށް އަވަހަށް ކައިވެނި ކުރާނެކަމަށް އަޑު ފެތުރުން ނަމަވެސް ފަހުން އެވާހަކަތަކުގެ އަޑެއް ނީވެއެވެ.
ނަމަވެސް ބްރިޓްނީ ސޭމް އާއި މުހާތަބް ކުރަނީ ފިރިމީހާގެ ގޮތުގައެވެ. ދެ ފިރިހެން ދަރިންގެ މަންމަ ތިންވަނަ ދަރިއަކަށް ބަލިވެއިން އިރު މީއީ ސޭމްގެ އަލަތު ދަރިފުޅެވެ.
ސޭމް ވެސް ވަނީ ތަފާތު ފޮޓޯއަކުން އޭނާއަށް ދަރިއަކު ލިބެން އުޅޭކަން އިއުލާންކޮށްފައެވެ. އަދި ބައްޕަ އަކަށް ވުމަކީ އަބަދުވެސް ވަރަށް ބޭނުން ވި ކަމެއް ކަމަށް އޭނާ ވަނީ ބުނެފައެވެ.
ސޭމް އަކީ ބްރިޓްނީއަށް ވުރެ 12 އަހަރު ހަގު މީހެކެވެ. އޭނާއަށް އަދި ވީ 28 އަހަރެވެ.
ކޮމެންޓު ފޮނުވާ