ރިއަލިޓީ ޓީވީ ތަރި އަދި ސޯޝަލް މީޑިއާ އިންފުލުއެންސާ ކިމް ކާޑޭޝަން ލޯ ފާމެއް ހުޅުވުމުގެ ޝައުގުވެރިކަން ފާޅުކޮށްފިއެވެ.
ކިމް ވަނީ މިދިއަ އަހަރު ޑިސެމްބަރު މަހުގައި "ބޭބީ-ބާ" އިމްތިހާނުން ފާސްވެފައެވެ. އެއީ އެމެރިކާގެ އެންމެ މޮޅު ލޯ ސްކޫލް "ޔޭލް"ގެ ފުރަތަމަ އަހަރު ދަރިވަރުން ހަދާ ބޮޑު އިމްތިހާނެވެ.
ވޯގް ހޮންކޮންގަށް ދިން އިންޓަވިއުއެއްގައި ކިމް ބުނީ އޭނާ އުމުރު ދުވަހުގައި ވެސް އެ ވަރުގެ އުނދަގޫ ކަމެއް ކޮށްފައި ނުވާނެކަމަށެވެ.
ކިމް އަންނަނީ ގާނޫނީ ވަކީލުކަން ކިޔަވަމުންނެވެ. އޭނާ ބުނިގޮތުގައި ގާނޫނީ ދާއިރާ އަށް އެހާ ބޮޑު ޝަައުގުވެރިކަމެއް އުފެދުނީ ބައްޕަ، ރޮބާޓް ކާޑޭޝަންގެ ފަރާތުންނެވެ.
ގާނޫނީ ދާއިރާއިން ވެސް ކިމް ބޮޑަށް ޝައުގުވެރިކަން ހުރީ ކްރިމިނަލް ލޯޔަރެއްގެ ގޮތުގައި މަސައްކަތް ކޮށްލުމަށެވެ.
ކިމް ބުނި ގޮތުގައި މުސްތަގުބަލުގައި އޭނާ ލޯ ފާމެއް ހުޅުވަން ޝައުގު ހުރި ކަމަށާއި އެ ލޯ ފާމަކީ ވަރަށް ކާމިޔާބު ލޯ ފަމަކަށް ވާނެކަމަށް އުންމީދު ކުރާކަމަށެވެ.
އުމުރުން 41 އަހަރުގެ ކިމް ބުނެފައި ވަނީ އޭނާ އުމުރުގެ 40ގެ އަހަރުތައް ގުނަން ބޭނުންވަނީ އަމިއްލަ ހިތްހަމަޖެހުމަށް ކުރާ ކަންކަމުގެ ތެރެއިން ކަމަށެވެ. އަދި ފާއިތުވި ތަނުގައި އެހެންމީހުން ހިތްހަމަ ޖައްސައިދޭން ވަރަށް މަސައްކަތް ކުރެވިފައި ވާކަމަށްވެސް ކިމް ވަނީ ބުނެފައެވެ.
ލޯޔަރަކަށް ވުމުގެ ހުވަފެނަކީވެސް އޭނާގެ އަމިއްލަ ހިތްހަމަޖެހުމަށްޓަކައި އޭނާ ދެކެމުން އަންނަ ހުވަފެނެކެވެ.
