ރައީސް މައުމޫން އިސްކޮށް ހުންވައިގެން އުފައްދާފައިވާ މައުމޫން ރިފޯމް މޫވްމަންޓުން ޤާނޫނުގައި ބުނާ އަދަދަށް މެމްބަރުން ހަމަކޮށްފިއެވެ.
އެމްއާރުއެމްގެ ރަޖިސްޓްރާ ޝަހީދާ ވިދާޅުވީ އިއްޔެ އެމްއާރުއެމް އިން އިލެކްޝައަށް އިތުރު 250 ފޯމުވާނީ ހުށަހަޅާފައިވާކަމަށެވެ. މިހާތަނަށް ހުށަހެޅި ފޯމުތަކާއެކު، މިހާރު އީސީ ދަފްތަރުގައި 3،000 އަށްވުރެ ގިނަ މެންބަރުން ތިބޭނެކަމަށެވެ. އަދި ޕާޓީގެ ދަފްތަރުގައި 4،650 މެންބަރުން ހިމެނޭކަމަށެވެ. މިހަފުތާގައި އިތުރު ފޯމް ފޮނުވުމުގެ މަސައްކަތް ކުރަމުންދަކަމަށްވެސް ޝަހީދާ ވަނީ ވިދާޅުވެފައެވެ.
މިއަދު @MRM_Office އިން @ElectionsMvއަށް އިތުރު 250 ފޯމުވާނީ ހުށަހަޅާފަ. މިހާތަނަށް ހުށަހެޅި ފޯމުތަކާއެކު، މިހާރު އީސީ ދަފްތަރުގައި 3000އަށްވުރެ ގިނަ މެންބަރުން ތިބޭނެ. އަދި ޕާޓީގެ ދަފްތަރުގައި 4650 މެންބަރުން ހިމެނޭ. މިހަފުތާގައި އިތުރު ފޯމް ފޮނުވުމުގެ މަސައްކަތްދަނީ ކުރެވެމުން.
— Shahydha ???????? (@Shahydha) March 27, 2022
3،000 މެންބަރުން ހަމަނުވާ ޕާޓީތަކަށް ގާނޫނުގައި އޮންނަ ގޮތުގެ މަތިން ތިން މަސް ދުވަހުގެ މުއްދަތެއް ދިނުމަށް އުވާލަން އިލެކްޝަންސް ކޮމިޝަން (އީސީ) އިން ވަނީ ނިންމާފައެވެ. އެގޮތުން ސިއްހީ ކުއްލި ނުރައްކަލުގެ ޙާލަތު ނިމުމާ ގުޅިގެން، ސިޔާސީ ޕާޓީގެ މެންބަރުންގެ ޢަދަދު 3،000 ހަމަނުވާ، 4 ޕާޓީއަކަށް، ޤާނޫނުގައިވާ ގޮތުގެމަތިން، 3 މަސްދުވަހުގެ ނޯޓިސް ދޭން އިލެކްޝަން ކޮމިޝަނުން ނިންމައިފައެވެ.
އިލެކްޝަންގެ ދަފްތަރުގައި 3،000 މީހުން ހަމަނުވާ ޕާޓީތައް:
– މޯލްޑިވްސް ރިފޯމް މޫވްމަންޓް (MRM) – 2302 މެމްބަރުން
– މޯލްޑިވްސް ލޭބަރ އެންޑް ސޯޝަލް ޑިމޮކްރަޓިކް ޕާޓީ (MLSDP) – 2725 މެމްބަރުން
– މޯލްޑިވްސް ތާރޑްވޭ ޑިމޮކްރެޓްސް (MTD) – 2489 މެމްބަރުން
– ދިވެހިރައްޔިތުންގެ ޕާޓީ (DRP) – 2280 މެމްބަރުން
ސިޔާސީ ޕާޓީތަކުގެ މެމްބަރުންގެ އަދަދު ހަމަކުރަން ނޯޓިސް ދިނުމަށް ނިންމާފައިވާއިރު، އިލެކްޝަންސް ކޮމިޝަނުގެ ދަފްތަރުގައި ހިމެނޭ ސިޔާސީ ޕާޓީތަކުގެ ތެރެއިން ދައުލަތުގެ ބަޖެޓުން ފައިސާ ދޫކުރާ އަދަދަށް މެމްބަރުން ތިބި 4 ސިޔާސީ ޕާޓީގެ ތެރެއިން ހުށަހަޅަންޖެހޭ ލިޔެކިޔުންތައް ހުށަހެޅި 2 ޕާޓީއަކަށް ފައިސާ ދޫކުރުމަށް ފިނޭންސް މިނިސްޓްރީއަށް ފޮނުވާފައެވެ. އޭގެ ތެރޭގައި ހިމެނެނީ ޕީޕީއެމްއާއި، ޖުމްހޫރީ ޕާޓީއެވެ.
ކޮމެންޓު ފޮނުވާ