މަތިވެރި ދާއިރާގެ މެމްބަރު ހަސަން ޒަރީރުގެ ކުރީގެ އަނބިކަނބަލުން އާމިނަތު ޝަޒުރާ އަށް އޭނާ ގެވެށި އަނިޔާކުރިކަމަށްބުނެ ދެއްކިވާހަތައް މިޑިއާޔަކުގައި ގެނެސް ދިނުމުން، އެކަން ހިނގައިދިޔަގޮތް މެމްބަރު ޒަރީޒު ސާފުކޮށް ދީފިއެވެ.
ޒަރީރު ނެރެފައިވާ ބަޔާނުގައި ބުނެފައިވަނީ ފޭސްބުކުގައި އާމިނަތު ޝަޒްރާ ކިޔާ ފަރާތަކުން ލިޔެ ހާމަ ކޮއްފައިވާ ވާހަކަ ތަކަކީ ކަނޑައެޅިގެން ޙަޤީޤަތާއި ޚިލާފު ވާހަކަ ތަކެއްކަމަށެވެ. އޭނާއަށް މަތިވެރި ދާއިރާގެ މަޖިލިސް މެމްބަރު ކޮއްފައިވާ ކަމަށް ތުހުމަތު ކޮއްފައިވާ ކަންކަމަކީ ބުހުތާނު ދޮގިތަކެއްކަމަށް ޒަރީރުގެ ބަޔާނުގައި ވެއެވެ.
ޒަރީރު ބުނެފައިވަނީ މިމަހުގެ 17 ވަނަ ދުވަހު ސ.ހިތަދޫގައި އޭނާގެ ދަރިން ތިއްބުމަށް ކުއްޔަށް ހިފާފައިވާ ތަނުގައި އެކުދިންގެ މަންމަ އާއި އެންމެ ދޮށީ އަންހެން ދަރިފުޅާ ދެމެދު ހިތްހަމަ ނުޖެހުން އުފެދި، ޒުވާބު ކޮށް، ދަރިފުޅަށް އަނިޔާވާ ގޮތަށް ޢަމަލުކޮށް، އަދި ދަރިފުޅަށް އަނިޔާ ވުމާއެކު، ފުލުހުން، އަދި ޖެންޑަރ މިނިސްޓްރީން ވަނީ އެތަނަށް ގޮސް، ދެފަރާތާ ވާހަކަ ދައްކާފައިކަމަށެވެ.
އަދި އޭގެ ފަހުން އެތަނުގައި އޭރު ދިރިއުޅެމުން ދިޔަ ކުދިންގެ މަންމަގެ މިހާރުގެ ފިރިމީހާ، ވަނީ އެގެއިން ނުކުމެފައިކަމަށެވެ. "އަޅުގަނޑުގެ އަންހެން ދަރިފުޅު ވަނީ، ދޮން ބައްޕަ އެކުދިންނާ އެކު އެގޭގައި ކައިބޮއެ ނިދާ ހަދާތީ އެކަމާ ހިތް ހަމަ ނުޖެހިގެން މަންމަ ކައިރީގައި ޝަކުވާ ކޮއްފަ. އަދި އެ އަޑު ނާހާ މަންމަ ދިޔައީ ދަރިފުޅާއި ދޮން ބައްޕަ އާއި ދެމެދު ގާތް ގުޅުމެއް އުފެއްދުމަށް ދަރިފުޅަށް އެކި ގޮތް ގޮތުން ޓޯޗަރ ކުރަމުން" ޒަރީރުގެ ބަޔާނުގައި ބުނެފައިވެއެވެ.
ޒަރީރު ވިދާޅުވީ މިކަމާ ދަރިފުޅު ދެކޮޅު ހަދާތީ، ދަރިފުޅަށް ދިޔައީ މަންމަގެ ފަރާތުން އަނިޔާ ތަކެއް ލިބެމުން ކަމަށެވެ. އަދި އެންމެ ފަހުން މި ކަންކަމަށް ކެތް ނުކުރެވިގެން މީގެ 10 ވަރަކަށް ދުވަހުގެ ކުރިން ދަރިފުޅު އޭނާއަށް ގުޅާފައި މިކަންކަން ޙިއްސާ ކޮއްފައި ވާކަމަށެވެ. ދަރިފުޅު އެވާހަކަ ތަށް ޙިއްޞާ ކުރުމާއެކު، އެ ކުދިންގެ މަންމައަށް ގުޅާފައި އެންމެ ދޮށީ އަންހެން ދަރިފުޅުގެ ހިތްހަމަ ނުޖެހުން އޮތުމާއެކު، އެކުދިން ދިރިއުޅުމަށް އޭނާ ކުއްޔަށް ހިފާފައިވާ އެޕާޓްމަންޓުގައި ފިރިމީހާ އާއިއެކު ނުނިދުމަށް އެދިފައި ވާނެކަމަށް ޒަރީރުގެ ބަޔާނުގައި ބުނެފައެވެ.
އެޕާޓްމަންޓަށާއި އެތަނުގައި ތިބި ހުރިހައި ދަރިންނަށް ކުރާ އެންމެހައި ޚަރަދު ތަށް ކުރަނީ ސީދާ އަޅުގަނޑު. މީގެ ކުރިންވެސް މަންމަގެ ފަރާތުން ދަރިފުޅަށް ވަނީ މިފަދަ އެކިވަރުވަރުގެ އަނިޔާތަށް ލިބިފަ. މި އަނިޔާތަށް ފެށިފައި ވަނީ ދޮންބައްޕަ އެކު ގާތް ގުޅުމެއް ބޭއްވުމަށް މަންމަ އެދެންފެށުމާއެކު އެކަމަށް އެންމެ ދޮށީ އަންހެން ދަރިފުޅު ދެކޮޅު ހެދި ހިސާބުން ފެށިގެން. އަދި ދަރިފުޅުގެ އަތުން ދޮންބައްޕަ އަށް ފެންތަށި ބަހައްޓައިދޭ ގޮތު ގޮތުންވެސް ހިތް ހަމަ ނުޖެހިގެން އެކި ފަހަރު މަތީން މަންމަ އެކުއްޖާ އަށް ކޮއްފައިވާކަމަށް ކުއްޖާ ބުނެފައިވޭ.
– ޒަރީރުގެ ބަޔާނުގައި ބުނެފައިވެއެވެ.
ޒަރީރު ވިދާޅުވީ އާމިނަތު ޝަޒުރާ ކިޔާ ފަރާތުން ބަޔާން ކޮއްފައިވާ ގޮތަށް ދުވަހަކުވެސް އެފަރާތަށް އެއްވެސް އަނިޔާ އެއް ކޮއްފައެއް ނުވާނެ ކަމަށެވެ. އެފަރާތުގެ އެވާހަކަ ތަކަކީ އެއްވެސް ޙަޤީޤަތެއްނެތި، ދައްކާފައިވާ ދޮގުވާހަކަ ތަކެއްކަމަށް ޒަރީރު ވަނީ ވިދާޅުވެފައެވެ.
