ހޮލީވުޑް ލަވަކިއުންތެރިޔާ އަދި އެކްޓްރެސް ސެލީނާ ގޮމޭޒް އަރައިގެން ހުރި ފައިވާނުގެ ހީލް ހަލާކުވެ އެވޯޑް ހަފްލާއެއްގެ ރެޑް ކާޕެޓްއަށް ވެއްޓިއްޖެއެވެ.
މި ހާދިސާ ހިނގާފައިވަނީ ދާދިފަހުން ބޭއްވި ސްކްރީން އެކްޓާސް ގިލްޑް (ސެގް) އެވޯޑްސްގެ ހަފުލާއަށް ސެލީނާ ގޮސްގެން އުޅެނިކޮށެވެ. ނަމަވެސް އޭނާ ވެއްޓުމުގެ ކުރިން ގާޑުން ވަނި އޭނާ ހިފަހައްޓާފައިއެވެ.
ކަޅުކުލައިގެ ދިގު ގައުންއެއް ގައި ސެލީނާ އަރައިގެން ހުރީވެސް ހަމަ ކަޅު ކުލައިގެ ފައިވާނަކަށެވެ. ނަމަވެސް ކުއްލިއަކަށް ފެނުނީ ފައިވާނުގެ ހީލް ނެއްޓި ސެލީނާ ބިންމައްޗަށް ތިރިވަނިކޮށެވެ. އެއާއެކު ގާޑުން އައިސް އޭނާ ހިފަހައްޓާ މަންޒަރުވެސް ވީޑިއޯއިން ފެނިގެން ދެއެވެ.
Leave it to Selena Gomez to make even slipping on the red carpet look good https://t.co/7JzhcPAuQp pic.twitter.com/buTnCE8vJf
— Variety (@Variety) February 28, 2022
މި ހަފްލާގައި ސެލީނާ ބައިވެރިވީ ހުސްފަޔާއެވެ. އެގޮތުން އެވޯޑާއި ހަވާލުވުމަށް ސެލީނާ ސްޓޭޖަށް ދިއައީވެސް ހުސްފަޔާއެވެ.
ސެގްގައި ސެލީނާއަށް ލިބުނީ ސްޓީވެން ސްޕީލްބާގް ޑައިރެކްޓުކުރި "ވެސްޓް ސައިޑް ސްޓޯރީ" ގައި އޭނާ ކުޅުނު ރޯލުން އެންމެ މޮޅު ސަޕޯޓިން އެކްޓްރެސްގެ އެވޯޑެވެ.
What happened to Selena Gomez's shoes? #SAGAwards pic.twitter.com/Hxv5nrsYqE
— Dave Quinn (@NineDaves) February 28, 2022
ސެލީނާ އަރައިގެން ހުރީ ސްޓެލެޓޯ ލުބްޓަންގެ ފައިވާނަކަށެވެ.
