ގދ. ފަރެސްމާތޮޑާ އެއަރޕޯޓް ތަރައްޤީ ކުރުމުގެ މަޝްރޫޢުގެ ދަށުން، ރަންވޭގެ ސަބްގްރޭޑް މަސައްކަތްތަކާއި އޭބީސީ މަސައްކަތްތައް ނިމިއްޖެއެވެ.
ފަރެސްމާތޮޑާ އެއަރޕޯޓް ތަރައްޤީކުރުމަށް އެމްޓީސީސީއާ ހަވާލުކޮށް އެކަމުގެ ޢަމަލީ މަސައްކަތް ފެށީ، 2021ވަނަ އަހަރުގެ ޖެނުއަރީމަހުގައެވެ. މި ޕްރޮޖެކްޓް ކުރިއަށްގެންދަނީ ފަރެސްމާތޮޑާ ފަޅުގައި ހިމެނޭ ފަޅުރަށްތަކެއް ހިއްކައިގެން، ބިން އިތުރުކޮށްގެނނެވެ. ފަރެސްމާތޮޑާ ހިމެނޭ ސަރަޙައްދުގެ ކުދި ފަޅުރަށްތަކާއެކު ޖުމްލަ 19.9 ހެކްޓަރުގެ ބިން އެމްޓީސީސީން ވަނީ މިމަޝްރޫޢުއަށްޓަކައި ހިއްކާފައެވެ.
އެމްޓީސީސީން މިއަދު ބުނެފައިވަނީ ފަރެސްމާތޮޑާ އެއަރޕޯޓް ތަރައްޤީ ކުރުމުގެ މަޝްރޫޢުގެ ދަށުން، ރަންވޭގެ ސަބްގްރޭޑް މަސައްކަތްތަކާއި އޭބީސީ މަސައްކަތްތައް ވަނީ ނިމިފައިކަމަށެވެ. އަދި ޓާރމިނަލް އިމާރާތުގެ ސްޓީލް ސްޓްރަކްޗަރ އެސެމްބްލީ މަސައްކަތްތަކުގެ 81 ޕަސެންޓް ވަނީ ނިމިފައި ކަމަށެވެ.
ގދ. ފަރެސްމާތޮޑާ އެއަރޕޯޓް ތަރައްޤީ ކުރުމުގެ މަޝްރޫޢުގެ ދަށުން، ރަންވޭގެ ސަބްގްރޭޑް މަސައްކަތްތަކާއި އޭބީސީ މަސައްކަތްތައް ވަނީ ނިމިފައި. އަދި ޓާރމިނަލް އިމާރާތުގެ ސްޓީލް ސްޓްރަކްޗަރ އެސެމްބްލީ މަސައްކަތްތަކުގެ 81 ޕަސެންޓް ވަނީ ނިމިފައި.#MTCCProjects #RayyithungeKunfuni pic.twitter.com/cNplxApgLH
— MTCC Plc (@MTCCPlc) February 16, 2022
އެމްޓީސީސީން ވިދާޅުވެފައިވަނީ ރަންވޭގެ މަސައްކަތްތައް މިއަހަރުގެ މެއިމަހަށް ނިންމާނެކަމަށެވެ. އަަދި އެއަރޕޯޓާ ފަރެސްމާތޮޑާ ގުޅާލުމަށްހަދާ ކޯޒްވޭގެ މަސައްކަތްތައް ޖޫންގެ ނިޔަލަށް ނިންމުމަށް މަސައްކަތް ކުރަމުންދާކަމަށެވެ. އެމްޓީސީސީން މިހާރު އަމާޒު ހިފާފައިވަނީ އެއަޕޯޓްގެ ހުރިހާ މަސައްކަތްތައް މިއަހަރުގެ ޖުލައި މަހުގެ 26ގެ ކުރިން ނިންމާ، ސަރުކާރާ ހަވާލުކުރުމަށެވެ.
200 މީޓަރުގެ ރަންވޭއަކާއެކު ތަރައްޤީކުރާ ފަރެސްމާތޮޑާ އެއަރޕޯޓަކީ އެތެރޭގެ އުދުހުންތަކަށް ޚާއްސަކޮށް ތަރައްޤީކުރާ އެއަރޕޯޓެކެވެ. ފަރެސްމާތޮޑަ އެއަރޕޯތް މަޝްރޫޢުއަށް ދަޢުލަތުގެ ބަޖެޓުން 144.8 މިލިއަން ރުފިޔާ ޚަރަދުކުރެއެވެ.
ސަރުކާރުން މަސައްކަތްކުރަނީ، ރާއްޖޭގެ ކޮންމެ ރަށަކުން ލޯންޗުގައި 30 މިނެޓުގެ ދަތުރެއްކޮށް ދެވޭހާ ކައިރީގައި އެއަރޕޯޓް ތަރައްޤީކުރުމަށެވެ.
ކޮމެންޓު ފޮނުވާ