ފަލަސްތީނުގެ އެކި ފެކްޝަންތައް އެއްބައިވަންތަ ކުރުވުމުގެ މައްސައްކަތް ފެށިގެން މިހާރު ކުރިޔަށްދާ ކަމުގައި އަލްޖީރިއާގެ ފޮރިންގ މިނިސްޓަރ ރަމްޓާން ލަމަމްރާ ވިދާޅުވެއްޖެއެެ. އަލްޖީރިއާ ސަރުކާރުން ފާއިތުވެދަމަހުވވަނީ، ފަލަސްތީނުގެ އެކިއެކި ފެކްޝަންތައް އެއްބައިވަންތަ ކުރުމަށްޓާކައި އެގައުމުގެ ބެލުމުގެ ދަށުން މަޝްވަރާރައް ކުރިޔަށް ގެންދިއުމަށް ހަމަޖެހިފައި ވާކަމަށް ބުނެފައެވެ.
"ފަލަސްތީނު މީހުން އެއްބައިވަންތަ ކުރުވުމުގެ ދަތުރު ވަނީ ފެށިފަ، އަދި އަލްޖީރިއާއަކީ ފަލަސްތީނުގެ ރައްޔިތުން އެބައިވަންތަ ކުރުވުމުގެ ތަޖުރިބާ ހުރި ގައުމެއް،" ކުވައިތުގައި އޮތް ނޫސްވެރިންގެ ބައްދަލު ވުމެއްގައި އަލްޖީރިއާގެ ޚާރިޖީ ވަޒީރު ހޯމަދުވަހު ވިދާޅުވެފައި ވެއެވެ.
އަރަބި ގައުމުތައް ކަމުގައިވާ، މިސްރާއި، ސައުދީ އަރަބިއާ އަދި ގަތަރުންވެސް މީގެ ކުރިންވަނީ، ފަލަސްތީނުގެ ރައީސް މަހުމޫދު އައްބާސްގެ ވަތަނީ ފަހަތަޙަ ފެކްޝަނާއި، އިސްރާއީލާއެކީ އެއްވެސް މަޝްވަރާއަކަށް ދިއުމަށް ދެކޮޅުހަދާ، ފަތަހަ ފެކްޝަނާއި ވާދަވެރިކަމުގެ ތާރީޚެއް އޮންނަ ހަމާސް ޖަމާއަތް އެއްގަލަކަށް އެރުވުމަށް މަސައްކަތް ކޮށްފައެވެ.
އެހެންނަމަވެސް، ފަލަސްތީނުގެ ވާދަވެރި ޖަމާއަތްތަކުގެ މެދުގައި ހުރި ތަފާތު ކުރުންތައް މިހާތަނަށް ނައްތާލެވިފައެއް ނުވެއެވެ.
ފަލަސްތީނުގައި ފާއިތުވި 16 އަހަރު ތެރޭގައި އާންމު އިންތިޚާބެއް ބާއްވާފައެއް ނުވެއެވެ.
