ރާއްޖެއަށް މިއަހަރުގެ މިހާތަނަށް 4 ލައްކައަށްވުރެ ގިނަ ފަތުރުވެރިން ޒިޔާރަތްކޮށްފިއެވެ.
ކޯވިޑް-19އާއި ގުޅިގެން ރާއްޖޭޣެ ފަތުރުވެރިކަން ހުއްޓި ބޯޑަރުތައް ބަންދުކުރމަށްފަހު އަލުން ހުޅުވާލާފައިވަނީ ޖުލައި މަހުގެ 15 ވަަނަ ދުވަހުއެވެ. ޓޫރިޒަމް މިނިސްޓްރީން ޢާންމުކުރި ތަފާސް ހިސާބުތައް ދައްކާގޮތުން ބޯޑަރުތައް ހުޅުވާލިފަހުން މިހާތަނަށް 427،212 ފަތުރުވެރިން ރާއްޖެއަށް އައިސްފައިވެއެވެ.
- ބޯޑަރު ހުޅުވާލިފަހުން ރާއްޖެއަށް ފަތުރުވެރިން އައިސްފާވާ ގޮތުގެ ތަފާސް ހިސާބު:
ޖުލައި (15 އިން 31) އަށް: 1،701
އޯގަސްޓް: 7،628
ސެޕްޓެމްބަރ: 9،538
އޮކްޓޫބަރ: 21،515
ޖެނުއަރީ 1 އިން 4 ނޮވެމްބަރަށް: 427،212
ނޮވެމްބަރު 1 އިން 4 އަށް: 3،983
ތަފާސް ހިސާބުތައް ދައްކާގޮތުން ބޯޑަރު ހުޅުވާލި ފަހުން އެއްދުވަހެއްގައި އެންމެ ގިނަ ޢަދަދަކަށް ފަތުރުވެރިން ރާއްޖެ އައިސްފައިވަނީ މިމަހުގެ 1 ވަނަ ދުވަހުއެވެ. އެއީ 1،590 ފަތުރުވެރިންނެވެ. އަދި އެއްގައުމަކުން އެންމެ ގިނަ ފަތުރުވެރިން ރާއްޖެ އައިސްފައިވަނީ ރަޝިއާއިންނެވެ. އެއީ 9 ހާހަށްވުރެ ގިނަ ފަތުރުވެރިންނެވެ.
- އެންމެ ގިނަ ޢަދަދަކަށް ފަތުރުވެރިން ޒިޔާރަތްކުރި ޤައުމުތައް:
ރަޝިޔާ: 9،519
އިނގިރޭސިވިލާތް: 3،817
ޔޫއޭއީ: 3،683
އެމެރިކާ: 3،484
އިންޑިއާ: 2،345
ޖަރުމަންވިލާތް: 2،099
ފަރަންސޭސިވިލާތް: 1،773
ޔޫކުރެއިން: 1،738
ސްޕެއިން: 1،716
ބްރެޒިލް: 1،288
ތަފާސް ހިސާބުތައް ދައްކާގޮތުން ކޮވިޑް-19 އަށް ފަހު ރާއްޖެ އަންނަ ޓޫރިސްޓުން ރާއްޖޭގައި ހޭދަކުރާ ދުވަހުގެ އަދަދު އޭގެ ކުރިއާ އަޅާބަލާއިރު ވަރަށް ބޮޑަށް ވަނީ އިތުރުވެފައެވެ. އެގޮތުން ބޯޑަރު ހުޅުވިފަހުން އެވްރެޖުކޮށް 9.7 ދުވަސް ރާއްޖޭގައި ފަތުރުވެރިން ހޭދަކުރެއެވެ. އޭގެކުރިން އެ ރޭޓް އުޅޭނީ 6.3 ގައެވެ.
ރާއްޖޭގެ ފަތުރުބެރިކަން ރަނގަޅުވާން ފަސާފައިވާއިރު، ކުރިއަށް އޮތް ޑިސެމްބަރު އަދި ޖެނުއަރީމަހަށް ގިނަ އަދަދެއްގެ އިންޑިއާ ފަތުރުވެރިން ރާއްޖެއަށް އައުމަށް ބުކިންސް ހައްދަމުންދާކަމަށް އެޤައުމުގެ ޓުއަރ އޮޕަރޭޓަރުން ވަނީ ބުނެފައެވެ.
ކޮމެންޓު ފޮނުވާ