އަންނަ މަހުގެ 5 ވަނަ ދުވަހު ކޮމަންޑޫ ދާއިރާގައި ބޭއްވުމަށް ހަމަޖެހިފައިވާ ބައި-އިލެކްޝަނާއި ދިމާކޮށް ކޮމަންޑޫގައި ފުޓުބޯޅަ ދަނޑެއް ތަރައްޤީ ކުރުމަށް ކުރާ މަސައްކަތާއި ގުޅިގެން ވާދަވެރި ފަރާތްތަކުން ދައްކަވަމުންދާ ވާހަތަކަށް ޔޫތު މިނިސްޓަރ އަހުމަދު މަހުލޫފް ރައްދު ދެއްވައިފިއެވެ.
ކޮމަންޑޫ ދާއިރާގެ އެމްޑީޕީގެ ކެނޑިޑޭޓްގެ ކެމްޕެއިނަށް މިނިސްޓަރ މަހުލޫފް ކޮމަންޑޫ ދާއިރާއަށް ކުރެއްވި ޒިޔާރަތުގައި ވަނީ ކޮމަންޑޫފައި ފުޓުބޯޅަ ކުޅުމަށް ދިމާވެފައިވާ ދަތިތަކަށް ހައްލު ގެނައުމަށް މަސައްކަތް ކޮށްދެއްވާނެކަމަށް ވިދާޅުވެފައެވެ. އެގޮތުން ފާއިތުވެދިޔަ 30 އަހަރު ކޮމަންޑޫގައި ބޯޅަ ކުޅޭނެ ދަނޑެއްނެތި ދިމާވި މައްސަލައަށް ހައްލު ހޯދުމަށް އެރަށުގައި ދަނޑެއް ގާއިމްކުރުމަށް ނިންމާފައިވާކަމާށެވެ. އަދި މިމަސައްކަތް ކުރުމަށް މިހާރު އެމްޓީސީސީއާއި ހަވާލުކޮށްފައިވާކަމަށް މަހުލޫފް ވަނީ ވިދާޅުވެފައެވެ.
ދަނޑެއް ނެތި ކޮމަންޑޫ ރައްޔިތުން ފުޓުބޯޅަ ކުޅުމުން މަހުރޫމްވެފައިވާތާ މިވަނީ 30 އަހަރު. އެކަމަށް ހައްލެއް ހޯދައިދިނުމުގެ ގޮތުން MTCC ގެ ސީއެސްއާރްގެ ދަށުން Soccer ball ދަނޑު ގާއިމްކޮށްދިނުމަށް މިހާރުވަނީ ނިންމާފަ. އިރާދަކުރެއްވިއްޔާ އަންނަ ހަފްތާގަ މަސައްކަތް ފެށޭނެ.
– މަހުލޫފް ވިދާޅުވިއެވެ.
މަހުލޫފްގެ މި ޓުވީޓާއިއެކު އިދިކޮޅު ފަރާތްތަކުގެ ހޫނު ބަހުގެ ހަމަލާތަކެއް މަހުލޫފްއަށް އަމާޒުވިއެވެ. އެގޮތުން އެމްއެންޕީގެ ނައިބް ރައީސް އަބްދުﷲ ރިޔާޒު ވިދާޅުވީ މިނިސްޓަރު ކަމުގެ މަޤާމުގައި ތިން އަހަރު ހުންނެވިއިރު، ކޮމަންޑޫ ދާއިރާގައި ދަނޑެއްނެތްކަން ނޭގި ކުއްލިއަކަށް ވޯޓު ބޯމަތިވުމުން ދަނޑުގެ މަސައްކަތް ފެށުމަކީ ކޮމަންޑޫ ޒުވާނުން އެކަން ގަބޫލު ކުރާނެ ކަމެއް ނޫންކަމަށެވެ.
ޔޫތު މިނިސްޓަރ ކަމުގަ 3 އަހަރު މަނިކުފާނު ހުންނެވިއިރު ތިޔަކަން ބަޖެޓުގަ ހިމަނައިގެން ނުކުރައްވާފަ ވޯޓެއް ބޯމަތިވުމުން ތިޔަކަން ކުރައްވާނެކަމަށް ވިދާޅުވިނަމަވެސް ކޮމަންޑޫގެ ޒުވާނުން އެކަން ޤަބޫލެއްނުކުރާނެ!
– އަބްދުﷲ ރިޔާޒު ވިދާޅުވިއެވެ.
ޔޫތު މިނިސްޓަރ ކަމުގަ 3 އަހަރު މަނިކުފާނު ހުންނެވިއިރު ތިޔަކަން ބަޖެޓުގަ ހިމަނައިގެން ނުކުރައްވާފަ ވޯޓެއް ބޯމަތިވުމުން ތިޔަކަން ކުރައްވާނެކަމަށް ވިދާޅުވިނަމަވެސް ކޮމަންޑޫގެ ޒުވާނުން އެކަން ޤަބޫލެއްނުކުރާނެ! https://t.co/IMONyTH35p
— Abdulla Riyaz MP (@riyazabdulla) January 6, 2022
އިދިކޮޅު ޕީއެންސީގެ ނައިބް ރައީސް އިބްރާހިމް ޝުޖާ ވިދާޅުވެފައިވަނީ މިދަނޑަކީ ޕީޕީއެމްއިން ކޮމަންޑޫ ޒުވާނުންނަށް ހޯދައިދިން ދަނޑެއްކަމަށެވެ. ވޯޓާއި ދިމާކޮށް، މިނިސްޓަރ މަހުލޫފް ކޮމަންޑޫގައި ޒުވާނުން ތިބިކަން ހަނދާންވި ކަމީ އުފާކުރައްވާކަ ކަމެއްކަމަށް ޝުޖާ ވިދާޅުވިއެވެ.
ތިއީ މާކުރިންވެސް ނިމިފައިވާ ކަމެއް. މިއޮތް ހުރިހާ ދުވަހު ކޮމަންޑޫ ޒުވާނުން މަތިން ވަޒީރު މަހުލޫފް ހުންނެވީ ހަނދުމަ ނެތިފަ. ކުއްލި އަކަށް ކޮމަންޑޫ ޒުވާނުންގެ މަތިން ހަނދުމަ ވެއްޖެ. މަރުޙަބާ ކޮމަންޑޫ ޒުވާނުން. ތިޔަ ދަނޑު ޒުވާނުންނަށް މި ހޯދައިދިނީ އަޅުގަނޑުމެން.
– ޝުޖާ ވިދާޅުވިއެވެ.
ތިއީ މާކުރިންވެސް ނިމިފައިވާ ކަމެއް.މިއޮތް ހުރިހާ ދުވަހު ކޮމަންޑޫ ޒުވާނުން މަތިން ވަޒީރު @AhmedMahloof ހުންނެވީ ހަނދުމަ ނެތިފަ.ކުއްލި އަކަށް ކޮމަންޑޫ ޒުވާނުންގެ މަތިން ހަނދުމަ ވެއްޖެ.މަރުޙަބާ ކޮމަންޑޫ ޒުވާނުން.ތިޔަ ދަނޑު ޒުވާނުންނަށް މި ހޯދައިދިނީ އަޅުގަނޑުމެން.#VoteFathuhee2✔️ https://t.co/5KKjd2Rp5D
— Ibrahim Shujau (@IbrahimShujaau) January 6, 2022
މިދެބޭފުޅުންގެ އިތުރުން ޕީޕީއެމްއާއި، އެމްއެންޕީގެ ބައެއް ބޭފުޅުންގެ ފާޑުކިޔުން މިކަމުގައި މަހުލޫފަށް އަމާޒުވިއެވެ. މަހުލޫފްވަނީ މިކަމުގެ ޖަވާބު ދެއްވާފައެވެ. މަހުލޫފް ވިދާޅުވީޫ މިސަރުކާރުން ކޮމަންޑޫގައި ފުޓުބޯޅަ ދަނޑެއް ތަރައްޤީ ކޮށްދެއްވާނެކަމަށެވެ. އަދި މިސަރުކާރުން ފޯކައިދޫ ފުޓުބޯޅަ ދަނޑުގަ މިއަދުވަނީ ޓާފް އަޅަން ފެށިފައިކަމަށެވެ. ކޮމަންޑޫ ދާއިރާގެ މަރޮށި ދަނޑު ނިމިފައިވާއިރު، ފޯކައިދޫގެ ދަނޑު ނިމުމަކާއި ގާތަށް ގޮސްފައިވާކަމަށެވެ.
ފޯކައިދޫ ފުޓުބޯޅަ ދަނޑުގަ މިއަދުވަނީ ޓާފް އަޅަން ފެށިފަ. ކޮމަންޑޫ ދާއިރާގެ މަރޮށި ދަނޑު ނިމިއްޖެ، ފޯކައިދޫ ނިމެނީ. ނިމުން 3 އަހަރުގެ ވާހަކަ ނުދައްކާށެވެ. ވޭތުވި އެއްވެސް ސަރުކާރަކުން ނާާޅާއޮތް ކޮމަންޑޫ ދަނޑުވެސް މިސަރުކާރުގެ ބާކީ 2 އަހަރު އޮއްވާ ފެށެނީ. ހަޤީގަތް ގަބޫލްކުރައްވާ.
– މަހުލޫފް ވިދާޅުވިއެވެ.
ފޯކައިދޫ ފުޓުބޯޅަ ދަނޑުގަ މިއަދުވަނީ ޓާފް އަޅަން ފެށިފަ.
ކޮމަންޑޫ ދާއިރާގެ މަރޮށި ދަނޑު ނިމިއްޖެ،ފޯކައިދޫ ނިމެނީ.ނިމުން 3 އަހަރުގެ ވާހަކަ ނުދައްކާށެވެ.ވޭތުވި އެއްވެސް ސަރުކާރަކުން ނާާޅާއޮތް ކޮމަންޑޫ ދަނޑުވެސް މިސަރުކާރުގެ ބާކީ 2 އަހަރު އޮއްވާ ފެށެނީ.ހަޤީގަތް ގަބޫލްކުރައްވާ. pic.twitter.com/5Z16tzVD2t
— Ahmed Mahloof (@AhmedMahloof) January 6, 2022
ކޮމަންޑޫ ދާއިރާގައި ކެމްޕެއިންގެ ވާދަވެރިކަން ބޮޑުވެފައިވާއިރު، އެމްޑީޕީގެ ކެނޑިޑޭޓްގެ ކެމްޕެއިން މާދަމާރޭ ލޯންޗު ކުރުމަށް ވަނީ ހަމަޖެހިފައެވެ. އަދި މިރޭ އެމްއެންޕީގެ ކެނޑިޑޭޓްގެ ކެމްޕެއިން ލޯންޗުކުމަށް ވަނީ ހަމަޖެހިފައެވެ.
