ކެންސަރު ޖެހިގެން ފަރުވާދެމުން އައި ޢުމުރުން 11 މަހުގެ ތުއްތު ކުއްޖަކު ނިޔާވެއްޖެއެވެ.
11 މަހުގެ ޒޯއީ ޒާލިމް ނިޔާވީ ހަމުގެ ކެންސަރަށް ބެންކޮކްގެ ވަޖީރާ ހޮސްޕިޓަލުގެ އައިސީޔޫގައި ފަރުވާދެމުން އަންނަނިކޮށް މިއަދު ހެނދުނުއެވެ. އެކުއްޖާއަލީ މީގެ 11 މަސް ކުރިން އުފަންވީއިރުވެސް ސިއްޙީ މައްސަލަތަކެއް ހުރި ކުއްޖެއްކަމަށް އެކުއްޖާގެ އާއިލާއިން ބުންނެވެ.
ޤާނުނީ ދެ ވަކީލުންކަމަށްވާ އާދަމް ޒާލިފާއި ހަދީޖާ އަހުމަދުގެ ދެވަނަ ދަރިފުޅު ލިބުނުއިރުވެސް ސިއްޙީ މައްސަލަ ހުރުމުން ކުރިން ފަރުވާދެމުން އައީ އިންޑިއާގައެވެ. ކުއްޖާއަށް އިތުރު ފަރުވާ ދިނުމަށް ބެންކޮކަށް ދިޔައީ މިދިޔަ މަހުއެވެ.
ކުއްޖާ ނިޔާވިއިރު ހަސިގަނޑުގެ ބޮޑު ބަޔަކަށް ވަނީ ކެންސަރު ފެތުރިފައެވެ. އެކުއްޖާއަށް ޖެހިފައިވަނީ އެކިއުޓް މައިލޮއިޑް ލުކީމިއާ' ވިތް ސައިކްލިކް ޕެޓާން ނިއުޓްރޯފީނިއާ ކަމަށް އާއިލާއިން ބުންޏެވެ.
