ކޮންމެހެން ކުރަންޖެހޭ ޓެސްޓުތަކެއް ކުރުމަށްޓަކަށް މިއަދު ހެނދުނު ސްޓެލްކޯއިން ކުރިއަށް ގެންދިޔަ ޓެސްޓުތައް، ކަރަންޓު ކަނޑާނުލައި ކާމިޔާބު ކަމާއިއެކު ނިންމާލައިފިއެވެ.
ސްޓެލްކޯއިން މިމަސައްކަތް ކުރާއިރު ކަރަންޓު ކެނޑުމަކީ އެކަށީގެންވާ ކަމެއްކަމަށް ރޭ ވަނީ ބުނެފައެވެ. ނަމަވެސް މިހާރު މަސައްކަތް ނިންމާލައިފާއިރު، މިމަސައްކަތް ކުރިއިރު އެއްވެސް ހިސާބަކުން ކަރަންޓް ކަނޑާލައިނުވެއެވެ. ސްޓެލްކޯއިން ބުނެފައިވަނީ އެކުންފުނިންދޭ ޚިދުމަތް ރަނގަޅު ކުރުމަށް ކުރާ މަަސައްކަތް އަބަދުވެސް ކުރަމުންދާކަމަށާއި، މިކަމުގައި ކަސްޓަމަރުންގެ ފަރާތުން ލިބޭ އެއްބާރުލުމަށް ޝުކުރު އަދާކުރާ ކަމަށެވެ.
މާތްﷲ ގެ އިރާދަފުޅާއެކު، މާލެއާއި ހުޅުމާލޭގެ ކަރަންޓުގެ ހިދުމަތައް އެއްވެސް މައްސަލައެއް ދިމާނުވެ މިއަދު ހެނދުނު ކުރިޔަށް ގެންދިޔަ ޓެސްޓްތައް މިވަނީ ކާމިޔާބުކަމާއެކު ނިންމާލެވިފައި. ހިދުމަތް ދިނުމުގައި ދިމާވާ މައްސަލަތައް ވީހާވެސް ކުޑަކޮށް، އަޅުގަނޑުމެންގެސިސްޓަމްތަށް އަދާހަމަ ކުރުމަށް މިގެންދަނީ އަބަދުވެސް މަސައްކަތް ކުރަމުން. މިފަދަ ކަންކަމުގައި ކަސްޓަމަރުންގެ ފަރާތުން ލިބެމުން އަންނަ އެއްބާރުލުމަށް ޝުކުރު ދަންނަވަން.
– ސްޓެލްކޯއިން ބުނެފައިވެއެވެ.
މާތްﷲ ގެ އިރާދަފުޅާއެކު، މާލެއާއި ހުޅުމާލޭގެ ކަރަންޓުގެ ހިދުމަތައް އެއްވެސް މައްސަލައެއް ދިމާނުވެ މިއަދު ހެނދުނު ކުރިޔަށް ގެންދިޔަ ޓެސްޓްތައް މިވަނީ ކާމިޔާބުކަމާއެކު ނިންމާލެވިފައި. ހިދުމަތް ދިނުމުގައި ދިމާވާ މައްސަލަތައް ވީހާވެސް ކުޑަކޮށް، އަޅުގަނޑުމެންގެ 1/2 pic.twitter.com/mkKd1BPWa2
— STELCO (@STELCOMALDIVES) October 16, 2021
މާލޭ ސަރަޙައްދުގައި ކަރަންޓުގެ ޚިދުމަތް ފޯރުކޮށްދެމުންދާ ސްޓެލްކޯއިން، އެކުންފުނީގެ ސިސްޓަމްތަކުގެ މުހިއްމު ޓެސްޓުތަކެއް މިއަދު ހަދާފައިވާއިރު، ގްރޭޓަރ މާލޭ އިންޓަރކަނެކްޝަން މަޝްރޫޢުގެ ދަށުން މާލެ، ހުޅުލެ އަދި ހުޅުމާލޭގެ ކަރަންޓު އެއް ވިއުގާއަކުން އެކުންފުނިން މިހާރު ވަނީ ގުޅާލާފައެވެ. އެގޮތުން މި މަޝްރޫޢުގެ ދަށުން ޤާއިމުކޮށްފައިވާ ސަބްސްޓޭޝަންތައް އެނަޖައިޒްކުރުމުގެ މަސައްކަތް މިދިޔަ ޖުލައިމަހުގެ ތެރޭގައި ސްޓެލްކޯއިން ކޮށްފައިވެއެވެ.
