ސްޓެލްކޯގެ ސިސްޓަމްތަކުގެ ޓެސްޓްތަކެއް ކުރުމަށް މާދަމާ ހެދުނު ކަރަންޓު ކެނޑުމަކީ އެކަށީގެންވާ ކަމެއްކަމަށް ސްޓެލްކޯއިން ބުނެފިއެވެ.
ސްޓެލްކޯއިން ބުނެފައިވަނީ އެ މިކުންފުނީގެ ސިސްޓަމްތަކުގެ ޓެސްޓްތަކެއް 16/10/2021 ވާ ހޮނިހިރު ދުވަހު ހެދުމަށް ވަނީ ހަމަޖެހިފައިކަމަށެވެ. މި ޓެސްޓްތަކަކީ ހިދުމަތް އިތުރަށް ފުރިހަމަ ކުރުމަށްޓަކައި ކޮންމެހެން ކުރަންޖެހޭ ޓެސްޓްތަކެއްކަމަށާއި، ޓެސްޓްތައް ކުރިޔަށްދާއިރު ހޮނިހިރު ދުވަހުގެ ހެނދުނު 7:00 އާއި 8:00 އާއި ދެމެދު މާލެއާއި ހުޅުމާލެއިން ކަރަންޓު ކެނޑުމަކީ އެކަށީގެންވާ ކަމެއްކަމަށް ސްޓެލްކޯއިން ވަނީ ބުނެފައެވެ.
މިފަދަ ކަމެއް ދިމާވެއްޖެ ނަމަ ކުރިމަތިވެދާނެ ދަތިތަކަށް އެންމެހާ ކަސްޓަމަރުންގެ ކިބައިން މާފަށް އެދޭކަމަށްވެސް ސްޓެލްކޯއިން ވަނީ ބުނެފައެވެ.
ކަސްޓަމަރުންގެ ސަމާލުކަމަށް: މިކުންފުނީގެ ސިސްޓަމްތަކުގެ ޓެސްޓްތަކެއް 16/10/2021 ވާ ހޮނިހިރު ދުވަހު ހެދުމަށް ވަނީ ހަމަޖެހިފައި. މި ޓެސްޓްތަކަކީ އަޅުގަނޑުމެންގެ ހިދުމަތް އިތުރަށް ފުރިހަމަ ކުރުމަށްޓަކައި ކޮންމެހެން ކުރަންޖެހޭ ޓެސްޓްތަކެއް. މި ޓެސްޓްތައް ކުރިޔަށްދާއިރު، 1/2
— STELCO (@STELCOMALDIVES) October 15, 2021
ގްރޭޓަރ މާލެ ސަރަޙައްދުގައި ދިމާވާ ކަރަންޓުގެ މައްސަލަތައް ޙައްލުކުރުމަށް ސަރުކާރުން ކުރިއަށްގެންދާ މިމަޝްރޫއުގެ ދަށުން މާލެއާއި ހުޅުމާލެއާއި ހުޅުލެއާ ކަރަންޓު އެއްވިއުގައަކުން ވަނީ ގުޅާލާފައެވެ. މީގެ ބޭނުމަކީ ކަރަންޓުގެ މައްސަލަކުޑަކޮށް، ކަރަންޓު ކަނޑުމުގެ ދަތިތަކުން ރައްޔިތުންނަށް ލުއި ގޮތްތަކެއް ފަހި ކުރުމެވެ.
