ދަރުބާރުގޭ ސަބްސްޓޭޝަންގައި ހުރި ބައު ޓްރާންސްފޯމަރު ބަދަލުކޮށް އެސަރަހައްދުގެ ކަރަންޓުގެ މައްސަލައަށް ދާއިމީ ހައްލެއް ގެނެސްފިއެވެ.
ސްޓެލްކޯއިން ބުނީ، އެކުންފުނީގެ އަމާޒާއި އެއްގޮތަށް ދިމާވާ ޓެކްނިކަލް މައްސަލަތައް ވީހާވެސް މަދުކޮށް، ރަނގަޅު ފެންވަރެއްގެ ހިދުމަތެއް ކަސްޓަމަރުންނަށް ދިނުމަށްޓަކައި ކުރަންޖެހޭ މަސައްކަތްތައް ކުރަމުން ގެންދިއުމުގެ ގޮތުން މައްސަލައެއް ޖެހި ވަގުތީ ހައްލެއް ގެނެސްދެވިފައިވާ، ދަރުބާރުގޭ ސަބްސްޓޭޝަންގައި ހުރި ބައު ޓްރާންސްފޯމަރު ބަދަލުކޮށް މިއަދު އެކަމަށް ދާއިމީ ހައްލެއް ގެނެސްދީފައިވާކަމަށެވެ.
ދަރުބާރުގޭ ސަބްސްޓޭޝަންގައި ހުރި ބައު ޓްރާންސްފޯމަރު ބަދަލުކޮށް މިއަދު މިވަނީ އެކަމަށް ދާއިމީ ހައްލެއް ގެނެސްދެވިފައި. 2/2
— STELCO (@STELCOMALDIVES) September 11, 2021
ސްޓެލްކޯގެ އެންމެ މުހިންމު އަމާޒަކީ ކަރަންޓުގެ ޚިދުމަތް މެދު ކެނޑުމެއްނެތި ރައްޔިތުންނަށް ލިބޭނެ މަގު ފަހިކުރުމެވެ. ސްޓެލްކޯގެ މިއަމާޒު ހާސިލްކުރުމަށް މިހާރުގެ މެނޭޖްމަންޓުން ރަނގަޅު ޕްލޭނެއްގެ ތެރެއިން ކުރަމުންދިޔަ މަސައްކަތްތަކުގެ ނަތީޖާއާއި ހަމައަށް ދަނީ ވާސިލް ވަމުންނެވެ.
ކަރަންޓުގެ ޚިދުމަތާއިއެކު، ސްޓެލްކޯއިން އިންޓަނޭޝަނަލް އޮގަނައިޒޭޝަން ފޯ ސްޓެންޑަޑައިޒޭޝަން (އައިއެސްއޯ) ގެ ސްޓޭންޑެޑަށް ދިއުމަށް ކުރި މަސައްކަތުގެ ނަތީޖާއާއި ހަމަވެސް ވަނީ މިދިޔަ މަދު ދުވަސްތަކުގައި ވާސިލްވެފައެވެ.
