2018 ވަނަ އަހަރުގެ ރިޔާސީ އިންތިޚާބުގެ ތެރެއަށް އިންޑިއާގެ ނުފޫޒު އިންތިހާއަށް ވައްދައި އިންތިޚާބު އޮޅުވާލިކަމަށް، ތުހުމަތުކުރައްވާ އިދިކޮޅުން ރޭ ބޭއްވި ޖަލްސާގައި ކޯލިޝަން ހަވާލުވެ ހުންނެވި ޢަބްދުއްރަޙީމް ޢަބްދުﷲ (އަދުރޭ) ދެއްކެވި ވާހަކަފުޅުތަކާއި ގުޅިގެން ރައިސް މުޙައްމަދު ނަޝީދު ކަންބޮޑުވުން ފާޅުކުރައްވައިފިއެވެ.

ދިކޮޅު ކޯލިޝަނުން ބޭއްވި “އައްޑަނަ” ޖަލްސާގައި އަބްދުއްރަހީމް ވަނީ އަވަށްޓެރި އިންޑިއާއަކީ ދިވެހިންގެ އެކުވެރި ޤައުމެއް ކަމަށާއި، އެޤައުމަކީ ރާއްޖެ އަޅުވެތިކޮށް، އަޅުވެތި ޤައުމަކަށް ވެގެން ނުވާނެކަމަށް ވިދާޅުވެ އިންޑިއާއަށް ވަރަށް ބޮޑަށް ފާޑުވިދާޅުވެފައެވެ. މިކަމާއި ގުޅިގެން ރައީސް ނަޝީދު ކުރެއްވި ޓްވީޓެއްގައި ވިދާޅުވީ، ޕީޕިއެމްގެ ޢާންމު ޖަލްސާތަކުގައި އަވައްޓެރި ޤައުމުތަކަށް ނިސްބަތްކޮށް ކުޑައިމީސްކޮށް ވާހަކަދެއްކުމަކީ ކަންވިޑުން އިންތިހާއަށް އިތުރުވާކަމެއްކަމަށެވެ. އިންޑިއާއަކީ ޒަމާނުއްސުރެ ރާއްޖެއަށް އެންމެ އެހީތެރިވާ ޤައުމުކަމަށާއި، އިންޑިއާ ކަނޑުގެ ސުލްޙަ ބެހެއްޓުމުގެ އެންމެ އިސްދައުރެއް އަދާކުރާ ޤައުމަކީވެސް އިންޑިއާކަމަށް ރައީސް ނަޝީދު ވިދާޅުވިއެވެ.

PPM ge aanmu jalsa thakuga avatteri qawmthakah nisbaikoh kudaimees basthakun vaahaka dhakkavakamee kanboduvun ithuruva kameh. India akee zamaanuhsureh Raajje ah enme eheetherivaa qawm. Adhi India kanduge sulha belehettumuga enme isdhaureh kuley qawm.

— Mohamed Nasheed (@MohamedNasheed) September 4, 2021

އިންޑިއާއާއި ގުޅޭގޮތުން އިދިކޮޅުން ރޭ ދެއްކެވި ވާހަކަތަކާއި ގުޅިގެން ރައީސް ނަޝިދު ކަންބޮޑުވުން ފާޅުކުރައްވާފައިވާއިރު، ރައީސް ޔާމީންގެ ސަރުކާރުން ޗައިނާއާއެކު އޮތް ގާތް ގުޅުމަށް ރައީސް ނަޝީދު މީގެ ކުރިން ފާޑުވިދާޅުވެފައިވެއެވެ. މިގޮތުން ރައީސް ނަޝީދު ވަނީ، އިދިކޮޅު ޕީޕީއެމާއި ޗައިނާ ސަރުކާރާ ދެމެދު ގުޅުންތަކެއްވާކަމަށާއި، ދެފަރާތުގެ ދެމެދު ފައިސާވެސް ބަދަލުވާކަމަށެވެ. އަދި ޕީޕީއެމްގެ ބައެއް ބޭފުޅުން ޗައިނާއަށް ދަތުރުކުރާކަމަށް ވިދާޅުވެފައެވެ. ދިވެހިން މާމަގެ ފައްޓަރުބައި ވިއްކާލިޔަސް ޗައިނާ އަށް ދަރާފައިވާ ދަރަނި ނުދެއްކޭނެކަމަށްވެސް ވިދާޅުވެފައިވެއެވެ.

ރޭ އިދިކޮޅުން ކާނިވާ ސަރަހައްދުގައި ވޭއްވި "އައްޑަނަ" ޖަލްސާގައި ވާހަކަފުޅު ދައްކަވަމުން އަދުރޭ ވިދާޅުވީ، 2018 ވަނަ އަހަރުގެ ރިޔާސީ އިންތިޚާބުގެ ތެރެއަށް ދިވެހިންގެ ގާތް އެކުވެރި ޤައުމެއްކަމަށްވާ އިންޑިއާގެ ނުފޫޒު އިންތިހާއަށް ވައްދައި އިންތިޚާބު އޮޅުވާލި ހިސާބުންކަމަށެވެ. މިއަދު ރާއްޖޭގައި ފެންނަމުންދަނީ ދިވެހިން ދުވަހަކުވެސް އިންޑިއާގެ ފަރާތުން އެދުނު މަންޒަރެއް ނޫންކަމަށް ވެސް އަދުރޭ ވިދާޅުވިއެވެ.

އަބްދުއްރަހީމް ވިދާޅުވީ ދިވެހި ރައްޔިތުން އިންޑިއާގެ ހެލިކޮޕްޓަރާއި، އިންޑިއާގެ މަނަވަރުތަކާއި، އިންޑިއާގެ ސިފައިން މިފަސްގަނޑުގައި ތިބުމަށް ނޭދޭކަމަށެވެ. އަދި އިންޑިއާ ވެގެން ނޫންކަމަށާއި، އެއީ ކޮންމެ ޤައުމެއްގެ ސިފައިންނަށް ވީނަމަވެސް އެމީހުން ތިބުމަކަށް ދިވެހިން ނޭދޭކަމަށެވެ. ނަމަވެސް މިކަން ކުރަން ނޭގެނީ މިސަރުކާރަށް ކަމަށާއި، މިކަން ކުރަން އެގޭނީ ރައީސް ޔާމީން ވެރިކަމަށް ގެނެސްގެންކަމަށް އަބްދުއްރަހީމް ވިދާޅުވިއެވެ.

އަދި މިއަދު އިދިކޮޅު ކޯލިޝަނުން ކުރަމުންދާ މަސައްކަތަކީ ރައީސް ޔާމީން އަލުން ވެރިކަމަށް ގެނައުމަށް ކުރާ މަސައްކަތް ކަމަށާއި، މިކަން މާދުރުނޫން މުސްތަގުބަލެއްގައި ކާމިޔާބު ވެގެންދާނެކަމަށް އޭނާ ވިދާޅުވިއެވެ.